Galasii 5:9 - Mbeti ti Nzapa - Tënë so amu fini

⁹ Azo atene: “Gi kete mama ti mapa laa ayeke sara si mapa ni kue asuku.”

Galasii 5:9 Referans Kwoze

1 Korente 15:33

Ala handa tere ti ala pepe. “Mo mu peko ti zo ti sioni, mo yeke ga zo ti sioni.”

Marc 8:15

Jésus amu yanga na ala, atene: “Ala sara hange! Le ti ala akpengba na mama ti mapa ti *afarizien na ti Herode!”

Nzoni Tënë so Luc asu na mbeti 13:21

Kodro ni ayeke tongana mama ti mapa so mbeni wali amu, lo bongbi na gba ti farini, lo pika ya ni si mapa ni kue asuku nzoni.”

Nzoni Tënë so Luc asu na mbeti 12:1

Na ndembe ni so, azo abongbi gbani gbani, ala yeke pete tere na popo ti ala si Jésus ato nda ti tene tënë na adisiple ti lo, lo tene: “Ala sara hange na mama ti mapa ti *afarizien, so ti tene azo so tënë ti yanga ti ala ayeke nde na sarango ye ti ala so.

2 Timothée 2:17

Tënë ti yanga ti azo ni ayeke tongana sioni ka so ayeke te tere ti zo kue; Himene na Filete ayeke nga na popo ti azo so.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Matthieu 13:33

Jésus atene na ala mbeni toli, lo tene: “*Kodro-gbia ti yayu ayeke tongana mama ti mapa so mbeni wali amu, lo bongbi na gba ti farini, lo pika ya ni si mapa ni kue asuku nzoni.”