Galasii 5:25 - Mbeti ti Nzapa - Tënë so amu fini

²⁵ Yingo laa asara si e duti na fini, nilaa ayeke nzoni e mu lege na lo ti fa lege na fini ti e.

Galasii 5:25 Referans Kwoze

Galasii 5:16

Tënë so mbi ye ti tene na ala ayeke so: ala zia Yingo ti Nzapa afa lege na fini ti ala, tongaso si ala sara ye na lege ti asioni nzara ti be ti ala pepe.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

2 Korente 3:6

Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

1 Pierre 4:6

Ndani laa a fa nga ando Nzoni Tënë na azo so akui awe. A fâ ngbanga ti ala alingbi na ye so ala sara tongana ti azo kue. Fadeso, na lege ti Yingo, ala lingbi ti duti na fini tongana ti Nzapa.

Rome 8:10

Tongana Christ ayeke na be ti ala, Yingo ti lo ayeke sara si ala duti na fini, ngbanga ti so, na le ti Nzapa, ala ga azo ti mbirimbiri awe, ataa so tere ti ala aduti ti ku gi kuâ ndali ti siokpari.

1 Korente 15:45

Ndani laa Mbeti ti Nzapa atene: “Adam so ayeke kozo zo, aga zo so ayeke na fini”; me Christ so ayeke nga Adam ti ndani, ayeke Yingo so ayeke mu fini na zo.

Aye so Nzapa afa 11:11

Na peko ti lango ota na ndambo ni, mbeni pupu so ayeke mu fini na zo alondo na Nzapa, aga ali na ya ti azo use so; ala londo aluti na ndö ti gere ti ala. Kota mbeto agbu azo so kue ayeke baa ala.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.