Galasii 4:7 - Mbeti ti Nzapa - Tënë so amu fini

⁷ Nilaa mo yeke ngbaa mbeni pepe, me mo yeke molenge ti Nzapa. So mo yeke molenge ti lo, fade Nzapa ayeke mu na mo aye so kue lo leke ndali ti amolenge ti lo.

Galasii 4:7 Referans Kwoze

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 4:31

Tongaso, a-ita, wali so ayeke ngbaa so, e yeke amolenge ti lo pepe, me e yeke amolenge ti wali so ayeke ngbaa pepe so.

Abia (Psaumes) 73:26

Ataa tere ti mbi na be ti mbi awoko kue, Nzapa laa ayeke mu ngangu na be ti mbi, lo yeke ye so aga ti mbi kpu na kpu.

Abia ti demango tere 3:24

Mbi tene na be ti mbi, mbi tene: “Ti mbi, mosoro ni ayeke gi KOTA GBIA”, nilaa mbi zia be ti mbi ti ku lo.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Abia (Psaumes) 16:5

KOTA GBIA, mo laa mo yeke ye so ayeke ga ti mbi, mo laa mo yeke nzoni ye so mbi wara; gigi ti mbi ayeke gi na maboko ti mo.

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”