Galasii 4:28 - Mbeti ti Nzapa - Tënë so amu fini

²⁸ Ti ala, a-ita ti mbi, ala yeke amolenge so a du ala na lege ti zendo ti Nzapa tongana ti Isaac.

Galasii 4:28 Referans Kwoze

Galasii 4:23

Molenge so lo du na wali so ayeke ngbaa, lo du lo na lege so azo kue ayeke du na ni, me molenge so lo du na wali so ayeke ngbaa pepe, lo du lo na lege ti zendo ti Nzapa.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Awatokua 3:25

Atënë so Nzapa azia ando na yanga ti awayanga ti lo si ala tene so ayeke ndali ti ala, azo ti Israel. Ala li na ya ti *mbuki so Nzapa asara na akotara ti ala so awe. Lo tene na Abraham: ‘Na lege ti mbeni *hale ti mo, mbi yeke sara tufa na ndö ti asewa ti dunia kue.’

Tongo nda ti aye 15:4

Tongaso tënë ti KOTA GBIA asi na lo, atene: “Lo laa lo yeke mu aye ti peko ti mo pepe, me molenge so mo wani, mo yeke du laa ayeke mu aye ti peko ti mo.”

Rome 9:7

Azo so ayeke ahale ti Abraham, ala kue laa ayeke amolenge ti lo pepe, me Nzapa atene na Abraham: “Na lege ti Isaac laa mo yeke wara ahale so mbi mu zendo ti ala na mo.”

Galasii 6:18

A-ita, ayeke nzoni *Kota Gbia ti e Jésus Christ asara nzoni be na ala! Amen.