Galasii 4:27 - Mbeti ti Nzapa - Tënë so amu fini

²⁷ Biani, Mbeti ti Nzapa atene: “Mo, wali so mo du pepe, ayeke nzoni mo duti na ngia! Mo so mo hinga songo ti dungo ni pepe, ayeke nzoni mo dekongo na ngia, ndali ti so wali so koli ake lo, lo yeke wara amolenge mingi ahon wali so angba na da ti koli!”

Galasii 4:27 Referans Kwoze

Abia (Psaumes) 113:9

Lo sara si wali so ayeke wali ti dungo ni pepe aga wali ti da, lo ga mama ti amolenge si lo duti na ngia. Aleluya!

1 Samuel 2:5

Azo so ayeke te ye lani ya ti ala asi so, ala kiri ayeke gi kua ndali ti kobe ti yanga ti ala. Me azo so lani nzara ahon ndö ti ala, ala yeke wu tere ti ala fadeso. Wali so ya ti lo akanga lani, lo du fadeso amolenge mbarambara. Me wali so adu lani gba ti amolenge, lo yeke kiri ti du fadeso pepe.

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

Ésaïe 49:21

Tongaso, fade mo yeke hunda tere ti mo, mo tene: ‘Amolenge so kue so, zo wa laa adu ala na mbi, zo wa? A gbanzi mbi lani na amolenge, mbi yeke wali ti dungo ni pepe, a gbu mbi lani, a gue na mbi na kodro wande, a zia gi mbi oko. Zo wa laa abata ala so, zo wa? Mbi ngba lani gi mbi oko, amolenge so, ala yeke lani na ndo wa?’ ”

2 Samuel 13:20

Ita ti lo Absalom ahunda lo, atene: “Ita ti mo Amnon alango na mo? De be ti mo! Tene tënë ni na zo oko pepe; ita ti mo laa. Zia be ti mo daa pepe.” Nilaa Tamar ayeke lango na ya ti da ti ita ti lo Absalom tongana mbeni wali so zo ado lo azia.

Galasii 4:19

Amolenge ti mbi, tongana ti so mama ti ngo ayeke baa pasi na ndembe ti dungo ni, mbi nga, mbi yeke baa pasi ndali ti ala ngbii dutingo ti ala aga tongana ti Christ.