Galasii 4:21 - Mbeti ti Nzapa - Tënë so amu fini

²¹ Ala tene na mbi mbirimbiri, ala so aye ti kiri na gbe ti *Ndia so: ala ma tënë so Ndia atene so pepe?

Galasii 4:21 Referans Kwoze

Galasii 3:10

Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: “Deba aga na li ti zo so asara ye pepe alingbi na atënë kue ti ya ti mbeti ti Ndia!”

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Rome 6:14

Biani, siokpari ayeke kiri ti sara komandema na ndö ti ala pepe, ngbanga ti so ala yeke na gbe ti *Ndia mbeni pepe, me na gbe ti nzoni be ti Nzapa.

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’

Jean 12:34

Gba ti azo ni akiri tënë na lo, atene: “Na ya ti mbeti ti *Ndia ti e, e ma a tene, fade *Mesii ayeke ngba kpu na kpu. Tongana nyen laa mo tene, a yeke mu *Molenge ti Zo ti kanga lo na nduzu so? Molenge ti Zo ni ayeke zo wa?”

Jean 10:34

Jésus akiri tënë na ala, atene: “Na ya ti mbeti ti *Ndia ti ala, Nzapa atene: ‘Ala yeke anzapa.’

Nzoni Tënë so Luc asu na mbeti 16:29

Abraham atene na lo: ‘*Ndia ti Moïse na ambeti ti awayanga-Nzapa ayeke na popo ti ala: ayeke nzoni ala ma ni.’

Marc 10:3

Jésus akiri tënë na ala: “Nyen laa Moïse amu yanga na ala ti sarango ni?”