Biblia Todo Logo
Bib sou entènèt

- Piblisite -




Galasii 4:15 - Mbeti ti Nzapa - Tënë so amu fini

15 Ando tere ti ala anzere ahon ndoni! Ti fadeso, nyen laa asi na ala, nyen? Biani, mbi lingbi ti tene tënë ti nzoni ye so ala sara, mbi tene: ala ye fade ti sara ye kue ndali ti mbi, tongana ayeke fade titene ala zi amboma ti le ti ala ti mu na mbi, ka ala sara ni!

Gade chapit la Kopi




Galasii 4:15
17 Referans Kwoze  

E ma na be si na lege ti Jésus Christ, Nzapa asara nzoni be na e; e ngba na lege ti nzoni be ti lo ni fadeso. Nilaa be ti e ayeke na ngia ndali ti gonda ti Nzapa so e zia be ti e ti ku ni.


Biani, mbi yeke tene nzoni tënë ti lo, mbi tene: lo yeke sara kua ngangu ndali ti ala, ndali ti azo ti Laodise na ti Hierapolis.


Ala ne azo ni mingi, ala ye nga ala ndali ti kua so ala yeke sara. A-ita, ala duti na siriri na popo ti ala.


Ndali ti yengo so e ye ala, e ye lani ti fa na ala gi Nzoni Tënë pepe, me e ye nga ti ka tere ti e na kuâ ndali ti ala, ngbanga ti so tënë ti ala agbu be ti e mingi!


Ayeke nzoni zo oko oko agbu li ti lo na ndö ti sarango ye ti lo wani. Titene lo gonda tere ti lo ndali ti mbeni ye, ayeke nzoni lo wara ye ni na ya ti fini ti lo wani, me lo haka sarango ye ti lo na ti mbeni zo pepe.


Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,


Amolenge ti mbi, tongana ti so mama ti ngo ayeke baa pasi na ndembe ti dungo ni, mbi nga, mbi yeke baa pasi ndali ti ala ngbii dutingo ti ala aga tongana ti Christ.


Christ asara tongaso titene anzoni ye so Nzapa amu zendo ni na Abraham so, azo ti amara nde nga awara ni na lege ti Christ. Tongaso na lege ti mabe, e wara Yingo so Nzapa amu zendo ni.


Mbi wani mbi baa na le ti mbi, ala mu ye so alingbi na kate ti ala si ala kiri amu ye ni ahon ti so alingbi na kate ti ala. Na be ti ala wani,


Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.


Biani, ye so mbi hinga si mbi yeke tene tënë ni ayeke so, azuife ayeke na nzara mingi ti sarango kua ti Nzapa, me ala hinga taa lege ti kua ni pepe.


Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.


Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.


Ataa so songo tere ti mbi ni aga na ala pasi mingi, ala zere mbi pepe, ala ke nga mbi pepe. Me ala yamba mbi, mo baa mo tene, mbi yeke mbeni *ange ti Nzapa wala Jésus Christ.


So mbi tene taa-tënë na ala so, mbi ga fadeso wato ti ala awe?


Swiv nou:

Piblisite


Piblisite