Galasii 3:28 - Mbeti ti Nzapa - Tënë so amu fini

²⁸ Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Galasii 3:28 Referans Kwoze

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Jean 10:16

Ambeni taba ti mbi ayeke na ya ti gbagba ti ataba so pepe. Alingbi mbi fa na ala lege; fade ala yeke ma go ti mbi si ala kue aga bongbi oko ti ataba na wabatango-taba oko.

Efeze 4:4

E kue, e yeke gi tere oko si Yingo ayeke nga gi oko; legeoko nga, gi ye oko laa Nzapa airi ala titene ala zia be ti ala ti ku ni.

Rome 9:24

Azo ni ayeke e so lo iri e; ambeni, lo iri ala na popo ti azuife, gi ala oko pepe, me lo iri nga ambeni na popo ti azo ti amara nde.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

1 Korente 7:19

Fango ganza ayeke ye pepe, fango ganza pepe ayeke nga ye pepe. Kota ye ni ayeke titene zo asara ye alingbi na atënë ti yanga ti Nzapa.

Jean 11:52

Lo yeke kui gi ngbanga ti mara so oko pepe, me lo yeke kui nga ti bongbi amolenge ti Nzapa so ayeke na ando nde nde si ala ga tere oko.

Jean 17:11

Mbi yeke na dunia so mbeni pepe, me ala yeke ti ala na dunia so. Mbi yeke gue ti mbi na tere ti mo. Babâ, mo so mo yeke nde si mo yeke nzoni kue, bata ala na lege ti ngangu ti iri ti mo so mo mu na mbi, tongaso si ala ga oko, tongana ti so mbi na mo, e yeke oko.

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Galasii 3:14

Christ asara tongaso titene anzoni ye so Nzapa amu zendo ni na Abraham so, azo ti amara nde nga awara ni na lege ti Christ. Tongaso na lege ti mabe, e wara Yingo so Nzapa amu zendo ni.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 4:14

Ataa so songo tere ti mbi ni aga na ala pasi mingi, ala zere mbi pepe, ala ke nga mbi pepe. Me ala yamba mbi, mo baa mo tene, mbi yeke mbeni *ange ti Nzapa wala Jésus Christ.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

Kolose 1:4

Biani, e ma tënë ti mabe ti ala so ala yeke na ni na Jésus Christ nga na yengo so ala ye na azo ti Nzapa kue.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

2 Timothée 1:1

Mbi Paul, so Nzapa ayeda ti mu mbi tongana *watokua ti Jésus Christ titene mbi fa tënë ti fini so Nzapa amu zendo ni na e si e wara ni na lege so e ga oko na Jésus Christ.