Galasii 2:9 - Mbeti ti Nzapa - Tënë so amu fini

⁹ Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Galasii 2:9 Referans Kwoze

Rome 12:3

Nzapa asara nzoni be na mbi. Ndani laa mbi tene na ala oko oko kue, mbi tene: ala baa tere ti ala wani tongana akota zo pepe; me ala baa tere ti ala tongana asenge zo, alingbi na mabe so Nzapa amu na zo oko oko.

Aye so Nzapa afa 3:12

“Zo so aso benda, fade mbi yeke sara titene lo ga tongana ngbongboro têne ti gbungo-li ti da, na ya ti kota da ti Nzapa ti mbi; lo yeke sigigi na ya ti da ni oko pepe. Mbi yeke su iri ti Nzapa ti mbi na iri ti gbata ti Nzapa ti mbi so ayeke fini Jérusalem na tere ti zo ni, gbata so ayeke londo na tere ti Nzapa ti mbi na yayu si ayeke zu na sese. Mbi yeke su nga fini iri ti mbi na tere ti zo ni.

Galasii 2:2

Mbi gue kâ ndali ti so Nzapa afa na mbi ti gue. Kâ, na ya ti mbeni bongbi so mbi sara gi na azo ti li ti *Eglize, mbi fa na ala nda ti Nzoni Tënë so mbi yeke fa ka na popo ti azo ti amara nde. Mbi sara ni, ngbanga ti so mbi ye titene ye so mbi sara kozoni na ti so mbi yeke sara fadeso, peko ni angba senge pepe.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

2 Korente 8:4

ala voro e mingi titene e zia nga na ala lege ti mu nginza ndali ti azo ti Nzapa so ayeke na Judée.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

Rome 15:15

Me na ya ti mbeti so mbi su si mbi tokua na ala, ambeni tënë ayeke daa so mbi tene na ala na kamene pepe; mbi tene tënë ni na ala ti dabe ti ala na aye so a fa na ala awe. Mbi sara tongaso ndali ti so Nzapa asara nzoni be na mbi

Awatokua 15:13

So ala hunzi tënë ti ala awe, Jacques amu tënë si lo tene: “A-ita, ala ma mbi si!

Awatokua 15:7

So tënë ni aga ngangu na popo ti ala, Pierre alondo si lo tene: “A-ita ti mbi, ala hinga so, ngbene ye na ya ti akozo lango, Nzapa asoro mbi na popo ti ala ti fa Nzoni Tënë na azo ti amara nde titene ala ma ni si ala ma na be.

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

2 Agbia 10:15

Yehu alondo na ndo so, lo gue, lo wara tere na Yonadab, molenge ti Rekab. Andaa Yonadab ayeke ga na mbage ti lo. Yehu abara lo si atene na lo: “Be ti mo avuru na tere ti mbi tongana ti so be ti mbi avuru na tere ti mo so?” Yonadab akiri tënë: “Een!” Yehu atene: “Tongana ye ni ayeke tongaso, gbu maboko ti mbi!” Yonadab agbu maboko ti Yehu si Yehu amu lo na tere ti lo na ya ti pusu ti mbarata ti lo.

Nzoni Tënë so Luc asu na mbeti 22:8

Jésus atokua Pierre na Jean; lo tene na ala: “Ala gue, aleke na e kobe ti Pake titene e gue, e te.”

Jean 1:42

Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –

Awatokua 12:17

Lo sara maboko ti lo na ala titene ala kai; lo fa na ala lege so Kota Gbia asara si lo sigigi na da ti kanga. Lo tene: “Ala gue, afa tënë ni na Jacques nga na a-ita.” Na pekoni, lo zia ala si lo hon na mbeni ndo.

2 Korente 11:5

Ti akota kota *watokua ti ala ni so, mbi baa ti mbi mbeni ye so ala hon mbi na ni pepe.

2 Korente 12:11

Mbi ga tongana zo so mbeni ye asara li ti lo awe! Ala laa asara si mbi ga tongaso. Ala laa alingbi fade ti tene nzoni tënë na ndö ti mbi. Ataa mbi yeke ye pepe, akota kota *watokua ti ala so ahon mbi na ye oko pepe.

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.

Galasii 1:18

Ngu ota na pekoni, mbi gue na Jérusalem ti baa Pierre titene e na lo, e hinga tere. Mbi ngba na ndo ti lo lango baleoko na oku.

Galasii 2:1

Ngu baleoko na osio na pekoni, mbi kiri mbi gue na Jérusalem, mbi na Barnabas; mbi mu nga Tite na tere ti mbi.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!