Galasii 2:13 - Mbeti ti Nzapa - Tënë so amu fini

¹³ Ambeni ita zuife amu peko ti lo na sioni mayere ti sarango ye ni so; ataa Barnabas kue ati na peko ti ala na sarango mara ti ye ni so!

Galasii 2:13 Referans Kwoze

1 Korente 15:33

Ala handa tere ti ala pepe. “Mo mu peko ti zo ti sioni, mo yeke ga zo ti sioni.”

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

1 Korente 8:9

A mu lege na ala ti sara ye kue, me ala sara hange si ndali ti sarango ye ti ala ni, mbeni zo so mabe ti lo akpengba pepe so ati pepe.

1 Korente 5:6

Ye so ala yeke pika kate ti ala daa so, anzere oko pepe! Ala hinga pepe atene, gi kete mama ti mapa laa ayeke sara titene mapa ni kue alondo?

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Zo ti bongbingo azo 10:1

Kuâ ti avuma so ati na ya ti mafuta ti zo ti sarango yombo asara si mafuta ni abuba si akpi. Kete buba ye ayeke buba ndara ti zo na nengo ti zo.

Galasii 2:1

Ngu baleoko na osio na pekoni, mbi kiri mbi gue na Jérusalem, mbi na Barnabas; mbi mu nga Tite na tere ti mbi.

1 Korente 12:2

Na ndembe so ala de ando ti hinga Nzapa pepe, a gboto ala ti gue na peko ti anzapa nde so ayeke tene tënë laoko pepe.

Zo ti bongbingo azo 7:20

Biani, na ndö ti sese so, mbeni zo ti mbirimbiri oko ayeke daa pepe, so lo yeke sara gi nzoni si lo sara siokpari pepe.

Tongo nda ti aye 27:24

lo hunda lo: “Taa mo molenge ti mbi Ezau laa?” Jacob akiri tënë, atene: “Mbi laa.”

Mbeti ti Job 15:12

Be ti mo gi wâ wâ so ngbanga ti nyen? Mo yeke pika le ti mo ni ngbanga ti nyen?

Matthieu 23:28

Ala nga, ala yeke tongaso. Na le ti azo, ala kpa azo ti mbirimbiri, me be ti ala ayeke nde si siokpari asi singo daa.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

2 Samuel 16:19

Na mbage nga, zo wa laa mbi yeke sara kua na lo, zo wa? Mo laa mo yeke molenge ti mba ti mbi pepe? Kua so lani mbi sara na babâ ti mo, gi ni laa mbi yeke sara ande na mo.”