Galasii 1:16 - Mbeti ti Nzapa - Tënë so amu fini

¹⁶ ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.

Galasii 1:16 Referans Kwoze

Matthieu 16:17

Jésus akiri tënë na lo: “Ti mo nzoni Simon, molenge ti Jean! Tënë so mo tene so, zo laa azia ni na yanga ti mo pepe, me Babâ ti mbi so ayeke na yayu laa afa na mo.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Rome 11:13

Ala so ayeke azo ti amara nde, fadeso mbi yeke tene tënë na ala: mbi wani, mbi yeke *watokua ti azo ti amara nde. Mbi yeke gonda kua ti mbi ni,

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Matthieu 26:41

Ala lango pepe! Ala sambela si ala ti na ya ti ye ti tarango be pepe. Yingo ti zo ayeke na nzara ti sarango nzoni ye, me zo ni ayeke na ngangu pepe.”

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Galasii 2:1

Ngu baleoko na osio na pekoni, mbi kiri mbi gue na Jérusalem, mbi na Barnabas; mbi mu nga Tite na tere ti mbi.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

Awatokua 5:42

Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.