Filipe 3:17 - Mbeti ti Nzapa - Tënë so amu fini

¹⁷ A-ita ti mbi, ala mu tapande ti mbi. Le ti ala angba na ndö ti tapande ti azo so ayeke sara ye alingbi na ti so ala baa e na sarango ni.

Filipe 3:17 Referans Kwoze

Filipe 4:9

Ye so mbi fa na ala, ye so ala ma ni si ala baa mbi na sarango ni, ayeke nzoni ala sara ni. Fade Nzapa so ayeke mu siriri na zo ayeke duti na ala.

1 Korente 4:16

Tongaso, mbi hunda na ala mingi titene ala sara ye tongana mbi.

1 Pierre 5:3

Azo ti Nzapa so lo zia ala na maboko ti ala ti bata ala so, ala sara komandema ti ngangu na ndö ti ala pepe, me ala duti tapande ndali ti ala.

2 Tesalonike 3:9

Biani, e lingbi fade ti hunda ye na maboko ti ala, me e hunda ni pepe; e sara kua titene e ga tapande si ala sara nga tongana e.

Ahebro 13:7

Ala dabe ti ala na akozo zo so ayeke na li ti *Eglize, ala so afa na ala tënë ti Nzapa. Ala baa lege so azo ni so akui na ni, ala duti na mabe tongana ti azo ni so.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

2 Tesalonike 3:7

Tia ala, ala hinga lege ti sarango ye tongana ti e awe. So e duti ando na popo ti ala, e sara sopo pepe.

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

2 Tesalonike 3:14

Tongana mbeni zo ake ti ma tënë so e tene na ya ti mbeti so, ala su iri ti lo na mbeti, ala sara songo na lo pepe, tongaso si kamene agbu lo.

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

Rome 16:17

A-ita, ye so mbi hunda na ala mingi ayeke so: ala sara hange na azo so ayeke ga na tënë ti kangbi nga na tënë so asara si azo ati na ya ti siokpari; azo ni azia lege ti tënë so e fa na ala so awe. Ala zia lege ti azo ni so,

Abia (Psaumes) 37:37

Mo baa zo so alingbi kue, mo baa zo so sarango ye ti lo ayeke na legeni: zo so aye tënë ti siriri, fade ahale ti lo ayeke duti nzoni.

1 Korente 11:1

Ala sara ye tongana mbi, tongana ti so mbi yeke sara ye tongana Christ.