Filipe 2:29 - Mbeti ti Nzapa - Tënë so amu fini

²⁹ Na lege ti gango so ala ga oko na *Kota Gbia, ayeke nzoni ala yamba lo na ngia mingi. Ala ne amara ti azo tongaso,

Filipe 2:29 Referans Kwoze

1 Timothée 5:17

*Akangba so ayeke bata *Eglize na legeni, ayeke nzoni azo ane ala si afuta ala na legeni; mbirimbiri ala so amu tere ti ala kue na kua ti fango tënë ti Nzapa nga na fango ye na azo.

1 Tesalonike 5:12

A-ita, e hunda na ala ti ne azo so ayeke mu tere ti ala kue ti sara kua na popo ti ala: azo so laa ayeke fa lege na ala na iri ti *Kota Gbia si ayeke mu wango na ala.

1 Korente 16:18

ngbanga ti so a-ita ota so asara si be ti mbi na ti ala so angba kâ ade. Ala gi ti hinga nzoni ye so azo tongaso ayeke sara!

Rome 16:2

Na lege ti gango so e ga oko na *Kota Gbia, ala yamba lo tongana ti so azo ti Nzapa ayeke sara lakue. Tongana lo hunda na ala mbeni ye so atia lo, ala mu maboko na lo, ngbanga ti so lo mu maboko na azo mingi; mbi nga, lo mu maboko na mbi.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

1 Korente 16:10

Tongana Timothée asi na ala kâ, ayeke nzoni ala sara titene lo duti na popo ti ala na mbeto pepe, ngbanga ti so lo yeke sara nga kua ti Kota Gbia tongana mbi.

3 Jean 1:10

Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

Kolose 4:10

Aristarke so mbi na lo, e yeke na da ti kanga abara ala. Marc, sewa ti Barnabas abara nga ala. A mu lani yanga na ala ndali ti lo atene, tongana lo si na ndo ti ala, ala yamba lo nzoni.

2 Korente 7:2

Ala leke ndo na be ti ala ndali ti e! E sara sioni na zo oko pepe, e buba lege ti dutingo ti zo oko pepe, e mu ye ti zo oko na mbana pepe.

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Awatokua 28:10

Azo ti zoa ni ane e tongana akota zo. Na ngoi so e yeke mu mangboko ti hon, ala mu na e aye ndali ti lege.

Awatokua 8:8

Be ti azo ti gbata ni kue ayeke na kota ngia.

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

Jean 13:20

Biani, mbi tene na ala taa-tënë: zo so ayamba mbeni zo so mbi tokua lo, andaa mbi wani laa lo yamba mbi; zo so ayamba mbi, andaa lo yamba lo so atokua mbi.”

Nzoni Tënë so Luc asu na mbeti 9:5

Ndo so kue azo ayeke yamba ala daa pepe, ala sigigi na ya ti gbata ti azo ni, ala pika sese ti gbe ti gere ti ala, ti fa sioni ti azo ni na le ti ala wani.”

Ésaïe 52:7

So ayeke nzoni ye mingi ti baa zo so aga na nzoni tënë na li ti ahoto! Lo yeke fa tënë ti siriri, tënë ti nzoni dutingo ti zo nga na tënë ti songo zo na kuâ. Lo yeke tene na Jérusalem: “Nzapa ti mo ayeke le-gbia!”

Filipe 2:28

Ndani laa, mbi tokua lo hio na ala si na bango lo, ala kiri awara ngia, tongaso si be ti mbi ade kete.