Ezekiel 8:3 - Mbeti ti Nzapa - Tënë so amu fini

³ Lo yoro mbeni ye so akpa maboko si lo gbu mbi na kua ti li ti mbi. Tongaso, na ya ti mbeni ye tongana bango-li so alondo na Nzapa, yingo amu mbi ahon na mbi na nduzu na popo ti yayu na sese; na pekoni lo gue na mbi na Jérusalem. Mo ye ti baa, mbi yeke na yanga ti gbagba ti gbata ni, na mbage ti ya ni; yanga ti gbagba ni abaa ndo na mbage ti Banga, na ndo so a zia yanda daa; so asara si mbanda ti Nzapa alondo biani.

Ezekiel 8:3 Referans Kwoze

Ndia ti fani use ni 32:16

Azo ti Israel azia ngonzo na be ti KOTA GBIA na lege ti sarango aye so ayeke sioni mingi, ala sara si mbanda ti lo alondo na lege ti vorongo anzapa nde.

Ezekiel 11:1

Yingo ti *KOTA GBIA ayo mbi na nduzu si ague na mbi na yanga ti kota da ti Nzapa ti mbage ti To. Taa na yanga ti da ni, akoli baleuse na oku ayeke kâ. Na popo ti ala, mbi baa amakonzi use ti azo, Yazania, molenge ti Azur, na Pelatia, molenge ti Benaya.

Ezekiel 5:11

“Fini ti mbi, Nzapa! So tënë ti yanga ti mbi, Kota Gbia NZAPA laa: Ndo so a zia ni nde ndali ti mbi, ala sara si aga *sioni na lege ti asioni sarango ye ti ala nga na lege ti afungo yanda ti ala. Mbi nga, mbi yeke gboto tere ti mbi, mbi yeke baa mawa ti ala oko pepe, mbi yeke zia zo oko pepe.

Daniel 5:5

Taa gi na ndembe ni so, maboko ti zo asigigi nduru na tere ti gere ti alamba. Maboko ni ayeke su mbeti na tere ti vuru dere ti yangbo ti gbia ni. So gbia abaa maboko so ayeke su mbeti ni,

Ezekiel 40:2

Na ya ti mbeni ye tongana bango-li, Nzapa amu mbi, ague na mbi na sese ti Israel. Lo zia mbi na ndö ti mbeni hoto so ayo na nduzu mingi. Gba ti ada so akpa ada ti mbeni gbata ayeke na ndö ti hoto ni, na mbage ti Mbongo.

Ezekiel 11:24

Gi na ya ti oko ye so mbi baa na ya ti mbeni ye tongana bango-li, yingo ti Nzapa amu mbi na nduzu; lo kiri na mbi na Babilone na tere ti azo ti Israel so a gbu ala si a gue na ala kâ so. Tongaso, ye so mbi baa na ya ti mbeni ye tongana bango-li so, alondo na ndö ti mbi ahon.

Ezekiel 2:9

Mbi baa ndo: mbi baa mbeni maboko so a yoro ni na mbage ti mbi. Maboko ni agbu mbeni mbeti so a rule ni rulengo.

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.

Ndia ti fani use ni 6:15

ngbanga ti so KOTA GBIA Nzapa ti ala so ayeke na popo ti ala ayeke Nzapa so ayeke sara mbanda ti azo ti lo. Ala sara hange si ala zia ngonzo na be ti lo pepe; tongaso pepe, fade lo yeke fâ ala kue ti hunzi ala na ndö ti sese so.

Ndia ti fani use ni 5:9

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Ndia ti fani use ni 4:24

Biani, KOTA GBIA Nzapa ti ala ayeke tongana wâ so ayeke gbi ye kue; lo yeke Nzapa so ayeke sara mbanda ti azo ti lo.

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Awatokua 8:39

So ala sigigi na ya ti ngu ni awe, Yingo ti Kota Gbia amu Philippe ahon na lo si mbaiwa ni akiri abaa lo pepe. Lo mu lege ti gue na ngia na be ti lo.

Daniel 10:18

Biaku, ye so akpa zo so akiri andu mbi si mbi kiri mbi wara ngangu.

Daniel 10:10

Tongaso, mbeni maboko andu mbi si ayo mbi, mbi luti na ndö ti likunu ti mbi nga na ndö ti maboko ti mbi; tere ti mbi ayeke do.

Ezekiel 8:5

Nzapa atene na mbi: “Molenge ti zo, mo baa ndo na mbage ti Banga.” Mbi baa ndo na mbage ti Banga ni. Na Banga ti yanga ti gbagba ni, mbeni gbalaka ayeke kâ. Nduru na lege ti lingo ni kâ, mbi baa yanda so ayeke sara si mbanda ti Nzapa alondo.

Ezekiel 7:20

Ala sara baba ndali ti aye ti pendere ti ala. Ala mu aye ni, ala sara na angbongboro nzapa, afungo yanda ti ala so zo alingbi ti baa na le ti lo fani use pepe so. Ndani laa mbi yeke sara si aye ni so aga tongana zende na le ti ala.

Ezekiel 3:14

Tongaso yingo so fade ayo mbi na nduzu so ahon na mbi. Maboko ti KOTA GBIA agbu mbi si ayeke ngangu ahon mbi. Tongaso mbi hon, be ti mbi na vundu, be ti mbi ayeke so songo.

Ezekiel 3:12

Tongaso yingo ti Nzapa ayo mbi na nduzu si mbi ma na mbage ti peko ti mbi toto ti mbeni ye tongana gba ti azo so ayeke dekongo, atene: “E sepela KOTA GBIA ndali ti gonda ti lo so lo fa na ndo so lo yeke daa!”

Jérémie 32:34

Ala zia afungo yanda ti ala na ya ti kota da so a zia nde ndali ti mbi; ala sara si da ni aga *sioni.

Jérémie 7:30

“Biani, azo ti Juda asara ye so ayeke sioni na le ti mbi. Ala zia afungo nzapa ti ala na ya ti kota da so a di iri ti mbi na ndö ni; ala sara si da ni aga *sioni; so tënë ti yanga ti KOTA GBIA laa.

Abia (Psaumes) 78:58

Na lege ti ando so ala leke na ndö ti ahoto si ala yeke voro anzapa nde daa, ala zia ngonzo mingi na be ti Nzapa; na lege ti ayanda ti ala, ala pusu lo ti sara mbanda.

2 Agbia 21:7

Lo sara yanda ndali ti nzapa-wali Ashera si lo zia ni na ya ti kota da ti KOTA GBIA. Andaa KOTA GBIA atene ando na David nga na molenge ti lo Salomon, atene: “Na ya ti kota da so nga na Jérusalem, gbata so mbi soro na popo ti agbata ti amara kue ti Israel laa mbi yeke sara titene iri ti mbi aduti daa kpu na kpu.

2 Agbia 16:14

Ti gbalaka so a sara na bengba wen si a zia ni nde ndali ti KOTA GBIA so, lo zi ni na ndo so ayeke daa kozoni; gbalaka ni ayeke ando na dawa ti kota da ti KOTA GBIA, na popo ti kota da ni na fini gbalaka. Lo zia gbalaka ni na peko ti fini gbalaka ni, na mbage ti Banga.

2 Agbia 2:16

Ala tene na lo: “Na popo ti e, azo ti kua ti mo, angangu koli baleoku ayeke daa. Tongana mo ye, ala gue, agi kota zo ti mo. E hinga pepe, yingo ti KOTA GBIA amu lo, abi lo na li ti mbeni hoto wala abi lo na mbeni popo-hoto.” Me Élisée atene: “Ala tokua zo oko pepe.”

1 Agbia 18:12

Me gi so mbi yeke zia mo ti hon, fade yingo ti KOTA GBIA ayeke mu mo ti hon na mo na mbeni ndo so mbi hinga pepe. Ti mbi, mbi yeke gue ti tene tënë ni na Akab; tongana lo wara mo pepe, fade lo yeke fâ mbi. Andaa ti londo na ngoi so mbi de molenge ngbii asi laso, mbi zo ti kua ti mo, mbi yeke kpe mbeto ti KOTA GBIA mingi.

Josué 24:19

Josué atene na azo ni, atene: “Ala lingbi ti sara kua na KOTA GBIA pepe, ngbanga ti so lo yeke Nzapa so lo yeke nde si lo yeke nzoni kue; lo yeke Nzapa so ayeke sara mbanda ti azo ti lo. Ndali ngangu li ti ala na siokpari ti ala, fade lo yeke zi tënë na li ti ala pepe.

Sigingo 34:14

Fade ala yeke kuku akpo li ti ala na sese na gbe ti mbeni nzapa nde pepe, ngbanga ti so iri ti KOTA GBIA ayeke: ‘Lo so lo yeke sara mbanda’. Biani, mbi yeke Nzapa so mbi yeke sara mbanda.

Sigingo 20:4

“Alingbi mo sara mbeni yanda ndali ti mo pepe, wala mbeni ye so akpa ye so ayeke na le ti nduzu, wala ye so ayeke na ndö ti sese, wala ye so ayeke na ya ti ngu na gbe ti sese.

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Ezekiel 10:3

Na ndembe so koli ni ayeke li, asheruben ni ayeke na mbage ti koli ti kota da ti Nzapa si gba ti guru asi ya ti gbagba ni.

Ezekiel 37:1

Maboko ti *KOTA GBIA agbu mbi, yingo ti lo ague na mbi si azia mbi na ndo so ayeke na popo-hoto; abio asi singo daa.

Ezekiel 43:5

Tongaso, yingo ti Nzapa ayo mbi, ague na mbi na ya ti gbagba ti kota da ni ti ya ni. Mbi baa gonda ti KOTA GBIA asi singo na ya ti kota da ni.

Ezekiel 43:8

Agbia ni azia yanga ti da ti ala nga na kadere ti yanga ti da ti ala na tere ti yanga ti da ti mbi nga na kadere ti yanga ti da ti mbi. Gi dere oko si akangbi popo ti mbi na ala. Iri ti mbi so ayeke nde si ayeke nzoni kue so, ala buba ni na lege ti asarango ye so zo alingbi ti baa na le ti fani use pepe. Ndani laa ngonzo agbu mbi si mbi fâ ala kue kue kue.

Ezekiel 9:2

Tongaso mbi baa akoli omene alondo na yanga ti kota da ti Nzapa si ayeke ga; yanga ti da so ayeke na mbage ti nduzu si ayeke baa le na mbage ti Banga so. Zo oko oko ayeke na ye ti bira ti bubango na ye na maboko ti lo. Na popo ti ala, mbeni koli ayeke daa so ayu bongo ti *len; lo yoro ye ti sungo na mbeti na gbe ti kamba ti ndö ti bongo ti lo. Akoli ni kue aga aluti na tere ti gbalaka so a sara ni na bengba wen.