Ezekiel 43:3 - Mbeti ti Nzapa - Tënë so amu fini

³ Ye so mbi baa na ya ti mbeni ye tongana bango-li so akpa ye so ando mbi baa tongana *KOTA GBIA aga ti buba Jérusalem; akpa ye so mbi baa na ngoi so mbi yeke na tere ti *bale ti Kebar. Tongaso, mbi kuku, mbi kpo li ti mbi na sese.

Ezekiel 43:3 Referans Kwoze

Ezekiel 9:5

Na pekoni, mbi ma KOTA GBIA atene na ambeni koli ni, atene: “Ala mu peko ti koli so na ya ti gbata ni, ala fâ azo. Mawa ti azo ni asara ala pepe, ala baa mawa ti zo oko pepe.

Ezekiel 9:1

Na pekoni, mbi ma *KOTA GBIA so adekongo na kota go, atene: “Ala ga, ala so a mu na ala lege ti ga na tere ti Jérusalem so! Ayeke nzoni zo oko oko aga na ye ti bira ti lo ti buba na gbata ni.”

Ezekiel 32:18

“*Molenge ti zo, toto na ndö ti azo ti Ezipte so ayeke gbani gbani so. Ayeke nzoni bia ti mo ni asara si ala na azo ti amara nde azu na gbe ti sese, ala na ambeni so ayeke zu na ndo ti akuâ.

Ezekiel 3:23

Tongaso, mbi londo mbi gue na popo-hoto. Gonda ti KOTA GBIA ayeke kâ; gonda ni ayeke tongana gonda so mbi baa na ndembe so mbi yeke na yanga ti *bale ti Kebar. Tongaso mbi ti, mbi kpo li ti mbi na sese.

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Ezekiel 9:3

Gonda ti Nzapa ti Israel so ayeke na ndö ti *asheruben alondo na ndö ti ala si ague na mbage ti yanga ti kota da ti Nzapa. KOTA GBIA airi koli so ayu bongo ti len si ayoro ye ti sungo na mbeti na gbe ti kamba ti ndö ti bongo ti lo so;

Ezekiel 8:4

Gonda ti Nzapa ti Israel asi na mbi na ndo ni so, gonda ni ayeke tongana ti so mbi baa kozoni na popo-hoto so.

Ezekiel 44:4

Koli ni amu mbi, ague na mbi na yanga ti gbagba ni ti mbage ti Banga, na dawa ti kota da ni. Mbi baa ndo si mbi baa gonda ti KOTA GBIA asi singo na ya ti kota da ni. Mbi kuku, mbi kpo li ti mbi na sese.

Ezekiel 9:10

Tongaso mbi nga, fade mbi yeke baa mawa ti ala oko pepe, mbi yeke zia zo oko pepe; mbi yeke futa ala alingbi na lege ti sarango ye ti ala.”