Ezekiel 1:9 - Mbeti ti Nzapa - Tënë so amu fini

⁹ Ayanga ti akpangi ti ala kue andu tere. Tongana ala yeke tambula, ala yeke turne tere ti ala pepe; me ye oko oko ayeke tambula mbirimbiri na dawa ti lo wani.

Ezekiel 1:9 Referans Kwoze

Ezekiel 10:22

Ale ti ala ni akpa ale ti aye so ayeke na fini so mbi baa ala na tere ti bale ti Kebar. Sheruben oko oko ayeke tambula mbirimbiri na dawa ti lo wani.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

Nzoni Tënë so Luc asu na mbeti 9:62

Me Jésus atene na lo: “Zo so agbu masini ti fango na yaka si lo baa ndo na peko, lo lingbi ti ga zo ti *Kodro-gbia ti Nzapa pepe.”

Nzoni Tënë so Luc asu na mbeti 9:51

So ngoi titene a mu Jésus ti gue na lo na yayu aga nduru awe, lo ye gi ti mu lege ti gue na Jérusalem.

Ezekiel 10:11

Aruu ni alingbi ti tambula ti gue na mbage osio ti sese, ala hon gi mbirimbiri na dawa ti ala, ala yeke turne tere ti ala pepe. Ala mu gi lege so li ti asheruben ni abaa ndo daa, aruu ni ahon mbirimbiri gi na dawa ti ala, ala yeke turne tere ti ala pepe.

Ezekiel 1:17

Tongana aruu ni ayeke tambula ti gue na mbage osio ti sese, ala yeke turne tere ti ala pepe.