Ezekiel 1:4 - Mbeti ti Nzapa - Tënë so amu fini

⁴ Ye so mbi baa ayeke so: mbeni ngangu pupu alondo na mbage ti Banga si ayeke ga. Pupu ni ayeke ga na mbeni ngbongboro mbinda; mbeni ngangu lumiere ti vukongo le ti zo angoro mbinda ni si awâ ti bekpa ayeke kpe na ya ni nzerrr nzerrr. Taa na be ti mbinda ni, ale ti wâ ayeke za daa lawu lawu si mbeni ye ayeke za daa tongana lôro so a yoro ni na ya ti wâ.

Ezekiel 1:4 Referans Kwoze

Ezekiel 1:27

Tere ti lo so akpa zo so ayeke za ngrengre tongana wen so akpaka tere ni kue si ayeke za zango. Mbeni ye angoro lo kue si akpa wâ, avuru ndo na tere ti lo kue, ti londo na mbage ti ya ti lo ti si na nduzu nga na gbeni.

Ezekiel 8:2

Na ya ti mbeni ye tongana bango-li, mbi baa mbeni zo so akpa wâ. Ti londo na ye so akpa ngbonda ti lo asi na gbeni, tere ti lo ayeke za tongana wâ; ti londo na ngbonda ti lo asi na nduzu, tere ti lo ayeke za ngrengre tongana lôro so a yoro ni na ya ti wâ.

Jérémie 23:19

Baa, ngangu pupu ti KOTA GBIA ayeke ga, sioni ngonzo ti lo alondo awe, sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Jérémie 25:32

Tënë so KOTA GBIA so ayeke na ndö ti dunia kue atene ayeke so: “Kota kpale alondo na mbeni mara asi na mbeni mara, ngangu pupu ti ngu-Nzapa alondo na nda ti sese kâ si ayeke ya.”

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Aye so Nzapa afa 1:15

Gere ti lo ayeke za tongana bengba wen so a kporo ni na ya ti wâ ti zi sioni ye daa, a kpaka ni si aza zango. Toto ti go ti lo akpa toto ti akota ngu.

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Jérémie 4:6

Ala yo na nduzu mbeni bendere; ala yo ni na mbage ti *Sion. Ala kpe ahonde tere ti ala! Ala luti na lege pepe! Mbi yeke sara si ye ti mawa na kota kpale so ayeke buba ndo alondo na mbage ti Banga ti ga.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Abia (Psaumes) 50:3

“Ayeke nzoni Nzapa ti e aga! Lo kanga yanga ti lo pepe!” Mbeni wâ so ayeke gbi aye kue ayeke na dawa ti lo, mbeni ngangu pupu angoro tere ti lo kue.

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

1 Agbia 19:11

KOTA GBIA atene na lo: “Sigigi! Gue mo luti na dawa ti mbi na ndö ti hoto. Mbi KOTA GBIA, mbi yeke ga ti hon.” Kozo titene KOTA GBIA ahon, mbeni kota pupu aya ngangu mingi, asuru ya ti ahoto si afâ ya ti atêne; me KOTA GBIA ayeke na ya ti pupu ni pepe. Na peko ti pupu ni, sese ayingi; me KOTA GBIA ayeke na ya ti sese so ayingi so pepe.

Ezekiel 13:11

Mo tene na azo so ayeke leke tere ti gbagba ni, mo tene: Fade mbeni kota ngu-Nzapa ayeke pika, *apembe ti bekpa ayeke tuku, kota pupu ti ngu-Nzapa ayeke ya si gbagba ni ayeke tuku na sese gburrr!

Ezekiel 13:13

Ndani laa, tënë so mbi Kota Gbia NZAPA, mbi tene ayeke so: Na lege ti ngonzo ti mbi ti wâ, mbi yeke sara titene ngangu pupu ti ngu-Nzapa alondo; na lege ti ngonzo ti mbi, mbi yeke sara titene kota ngu-Nzapa apika si apembe ti bekpa atuku ti buba ye kue.

Ezekiel 43:3

Ye so mbi baa na ya ti mbeni ye tongana bango-li so akpa ye so ando mbi baa tongana *KOTA GBIA aga ti buba Jérusalem; akpa ye so mbi baa na ngoi so mbi yeke na tere ti *bale ti Kebar. Tongaso, mbi kuku, mbi kpo li ti mbi na sese.

Zakarii 6:6

Pusu so a kanga avuko mbarata na tere ni ague na mbage ti Banga; pusu so a kanga avuru mbarata na tere ni ague na mbage ti Do; pusu so a kanga ambarata so nzoroko ti bengba ayeke na tere ti ala ague na mbage ti Mbongo.

Sigingo 9:24

Pembe ti bekpa atuku, bekpa asungba abongbi na pembe ti bekpa si atuku ngangu ngangu. Ngbene ye so Ezipte abaa gigi si aga mara, azo ti kodro ni ade ti baa mara ti tukungo ti pembe ti bekpa tongaso laoko pepe.

2 Agbia 2:11

So ala ngba na lege ti guengo ni si ala yeke tene tënë, mo ye ti baa, mbeni pusu ti mbarata so aza wâ aga; ambarata so aza wâ laa ayeke gboto ni. Pusu ti mbarata ni aga akangbi popo ti Élie na Élisée. Tongaso Élie ama na yayu na ya ti mbeni kota pupu.

Mbeti ti Job 38:1

*KOTA GBIA akiri tënë na Job na ya ti ngangu pupu, lo tene: