Ezekiel 1:19 - Mbeti ti Nzapa - Tënë so amu fini

¹⁹ Tongana aye so ayeke na fini ayeke tambula, aruu ni ayeke tambula na tere ti ala. Tongana aye ni alondo na ndö ti sese ti gue na le ti nduzu, aruu ni alondo nga ti gue na le ti nduzu.

Ezekiel 1:19 Referans Kwoze

Ezekiel 10:16

Tongana asheruben ni ayeke tambula, aruu ni ayeke tambula na tere ti ala. Tongana asheruben ni azi ya ti akpangi ti ala ti londo na le ti nduzu, aruu ni ayeke hon nde pepe, me ala yeke ngba na tere ti asheruben ni.

Ezekiel 10:19

Asheruben ni azi ya ti *akpangi ti ala ti hon. Na le ti mbi, ala londo na ndö ti sese ti hon na le ti nduzu, ala na aruu ni. Ala gue, aluti na yanga ti kota da ti Nzapa ti mbage ti To; gonda ti Nzapa ti Israel ayeke na ndö ti ala, na nduzu.

Abia (Psaumes) 103:20

Ala, *a-ange ti lo, ala mu singila na KOTA GBIA! Ala so ayeke na ngangu si ala yeke sara ye na peko ti yanga ti lo, gi so lo zi yanga awe, ala yeke sara ye alingbi na ni.

Ezekiel 1:15

Le ti mbi angba na ndö ti aye so ayeke na fini so: mbi baa ruu oko ayeke na tere ti ala oko oko si andu sese.

Ezekiel 1:21

Nilaa, tongana aye ni ayeke gue na li ni, aruu ni ayeke gue nga; tongana aye ni aluti, aruu ni aluti nga; tongana ala londo na ndö ti sese ti gue na le ti nduzu, aruu ni ayeke londo na ala legeoko, ngbanga ti so yingo ti aye so ayeke na fini laa ayeke na ya ti aruu ni.