Ezekiel 1:16 - Mbeti ti Nzapa - Tënë so amu fini

¹⁶ Aruu ni osio kue akpa tere si tere ti ala ayeke za tongana têne ti krizolite. Na bango aruu ni, mo baa mo tene, ala li na ya ti amba ti ala si ala gbu tere.

Ezekiel 1:16 Referans Kwoze

Daniel 10:6

Tere ti lo ayeke tongana têne ti ngere ngangu so a iri ni krizolite; le ti lo aza tongana wâ ti bekpa; le so lo yeke baa na ndo ayeke tongana *tanda so aza wâ; maboko ti lo na gere ti lo aza mingi tongana bengba wen so akpaka tere ni. Tongana lo tene tënë, mo baa mo tene gba ti azo laa ayeke tene tënë.

Efeze 3:10

Me fadeso, lo fa ye ni na lege ti *Eglize titene ayingo so ayeke na nduzu si ayeke na komandema ahinga atënë ti ndara nde nde kue ti Nzapa.

Rome 11:33

Anzoni ye ti Nzapa ayeke kota biani! Ndara ti lo na hingango ye ti lo ayeke kota ahon ndoni! Zo wa laa alingbi ti hinga nda ti fango ngbanga ti lo? Zo wa laa alingbi ti hinga tënë ti be ti lo?

Abia (Psaumes) 40:5

Ti lo nzoni, zo so azia be ti lo na ndö ti KOTA GBIA si lo mu peko ti anzapa ti mvene pepe, wala lo mu peko ti azo ti mvene pepe.

Abia (Psaumes) 36:6

KOTA GBIA, ndoye ti mo ague ngbii asi na yayu; batango tënë ti yanga ti mo so mo yeke bata ague ngbii asi na ambinda.

Mbeti ti Job 9:10

Lo sara akota ye so zo agi nda ni gbaa; lo sara aye ti kpene so zo alingbi ti diko wungo ni pepe.

Sigingo 39:13

Na osio molongo ni, ala zia krizolite, kornaline na zaspe. Ala zia têne oko oko na ya ti kadere so a sara na lôro.

B. ti abia 5:14

Maboko ti lo ayeke tongana aye ti maboko ti lôro so a zia topaze na tere ni. Tere ti lo ayeke tongana pembe ti doli so a zia safir na tere ni.

1 Agbia 7:33

A leke agere ti pusu ni gi na kode so a yeke leke na agere ti apusu ti mbarata. Aye ti tere ti agere ti pusu ni kue ayeke na bengba wen so a kporo ni kporongo.

Daniel 7:9

“So mbi ngba ti baa ndo, a zia ambata ti gbia si mbeni mbakoro aga aduti na ndö ti mbeni oko: bongo ti lo avuru tongana tukia; kua ti li ti lo avuru tongana kua ti tere ti taba so zende oko ayeke daa pepe. Mbata ti lo aza tongana menga ti wâ; agere ti mbata ni ayeke tongana wâ so aza mingi.