Ezekiel 1:15 - Mbeti ti Nzapa - Tënë so amu fini

¹⁵ Le ti mbi angba na ndö ti aye so ayeke na fini so: mbi baa ruu oko ayeke na tere ti ala oko oko si andu sese.

Ezekiel 1:15 Referans Kwoze

Daniel 7:9

“So mbi ngba ti baa ndo, a zia ambata ti gbia si mbeni mbakoro aga aduti na ndö ti mbeni oko: bongo ti lo avuru tongana tukia; kua ti li ti lo avuru tongana kua ti tere ti taba so zende oko ayeke daa pepe. Mbata ti lo aza tongana menga ti wâ; agere ti mbata ni ayeke tongana wâ so aza mingi.

Ezekiel 10:9

Mbi baa ndo: na tere ti asheruben ni, aruu osio ayeke daa; ruu oko na tere ti sheruben oko, ruu oko na tere ti sheruben oko. Aruu ni so ayeke za tongana têne ti krizolite.

Aye so Nzapa afa 4:7

Kozo ye so ayeke na fini akpa bamara, use ni akpa koli-bagara, ota ni ayeke na le so akpa le ti zo, osio ni akpa *ngoalo so ayeke huru.

Ezekiel 1:6

Ye ni oko oko ayeke na ndö ti le osio nga na *kpangi osio.

Ezekiel 3:13

Mbi ma toto ti *akpangi ti aye so ayeke na fini; akpangi ni ayeke pika tere. Mbi ma nga toto ti aruu na tere ti ala. Aye ni so ayeke toto ngangu mingi.

Ezekiel 10:2

Nzapa atene na koli so ayu bongo ti *len so, atene: “Mo li na popo ti aruu so ayeke na gbe ti asheruben ni, mo fu le ti wâ asi ya ti maboko ti mo, mo gue, mo tuku ni na ndö ti gbata ni.” Mbi baa koli ni na lingo na popo ti aruu ni.

1 Agbia 7:30

Pusu oko oko, gere ni ayeke osio so a sara ni na bengba wen. Ambeni wen ayeke daa so agbu agere ti pusu ni; awen ni ayeke nga na bengba wen. Na andangoro osio kue ti pusu ni, ambeni wen ayeke daa so akpa gere ti meza; a kporo awen ni kporongo legeoko na kadere ti pusu ni, me li ti awen ni ayo ahon yanga ti kamba ti akongo ni pepe.