Ezekiel 1:11 - Mbeti ti Nzapa - Tënë so amu fini

¹¹ So ayeke ndö ti le ti ala laa. Ti akpangi ti ala, use azi ya ti tere na mbage ti nduzu si ayanga ni andu tere. Tanga ti akpangi use ni akanga tere ti ala.

Ezekiel 1:11 Referans Kwoze

Ésaïe 6:2

Ambeni serafen aluti na nduzu na ndö ti lo. Serafen oko oko ayeke na *kpangi omene: akpangi use ayeke titene ala kanga na le ti ala, ambeni use ayeke titene ala kanga na agere ti ala si ambeni use ayeke titene ala huru na ni.

Ezekiel 1:23

Na gbe ti ye so akpa le ti nduzu so, aye so ayeke na fini oko oko agbara ya ti akpangi use ti ala, yanga ti akpangi ni atengbi tere na ti amba ti ala oko oko. Tanga ti akpangi use ti aye ni akanga tere ti ala.

Ezekiel 10:19

Asheruben ni azi ya ti *akpangi ti ala ti hon. Na le ti mbi, ala londo na ndö ti sese ti hon na le ti nduzu, ala na aruu ni. Ala gue, aluti na yanga ti kota da ti Nzapa ti mbage ti To; gonda ti Nzapa ti Israel ayeke na ndö ti ala, na nduzu.

Ezekiel 10:16

Tongana asheruben ni ayeke tambula, aruu ni ayeke tambula na tere ti ala. Tongana asheruben ni azi ya ti akpangi ti ala ti londo na le ti nduzu, aruu ni ayeke hon nde pepe, me ala yeke ngba na tere ti asheruben ni.