Esdras 6:3 - Mbeti ti Nzapa - Tënë so amu fini

³ “Na ya ti kozo ngu so Sirus ayeke gbia, lo mu mbela so, lo tene: Kota da ti Nzapa so ayeke na Jérusalem, alingbi a leke ni titene aga ndo ti yango asandaga na Nzapa. A yeke leke ni na ndo so akozo gere ni ayeke ando daa. Yongo ti da ni na nduzu ayeke duti metere baleota si konongo ni metere baleota.

Esdras 6:3 Referans Kwoze

2 Mbai 36:22

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Aye so Nzapa afa 21:16

Atere ti gbagba ni ayeke osio, yongo ti ala kue alingbi tere. Ange ni amu sosongo ni ti haka na tere ti gbata ni; lo haka ni mbage na mbage alingbi na metere ngbangbo use fani saki baleoko na use: yongo ti tere ti gbata ni mbage na mbage nga na yongo ni na nduzu alingbi tere.

Abia (Psaumes) 122:4

Na ndo so laa amara ti Israel, amara ti KOTA GBIA ayeke gue ti mu singila na KOTA GBIA alingbi na ye so lo hunda na ala ti sarango ni.

2 Mbai 2:6

Fadeso, tokua na mbi mbeni wakode-kua ti lôro, ti wen ti nginza, ti bengba wen na ti wen, wakode-kua so ahinga nga ti sara anzoroko na tere ti abongo: nzoroko so abe bengo, nzoroko so akpa le ti nduzu, nzoroko so abe si aza zango; lo hinga nga ti de alimo na kode na tere ti aye, lo na awakode-kua so babâ ti mbi David asoro ala lani si ala yeke na tere ti mbi na sese ti Juda nga na Jérusalem.

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 3:7

Ala mu nginza na azo ti dengo tere ti têne nga na asarapande. Ala mu kobe ti tengo ni, ye ti nyongo ni nga na mafuta na azo ti Sidon na ti Tir titene ala tokua ndo si a mu akeke ti sedre ti Liban aga na ni na le ti kota ngu-ingo ngbii asi na Zafa. Ala sara tongaso, ngbanga ti so Sirus, gbia ti Perse amu lege na ala.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

Esdras 1:2

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda.

Esdras 6:14

*Akangba ti azuife angba ti sara kota da ni si akua ni ayeke tambula nzoni, alingbi na atënë ti mungo ngangu na be so wayanga-Nzapa Aggée na Zakarii, molenge ti Ido atene na ala. Ala hunzi ti sara da ni, alingbi na yanga so Nzapa ti Israel amu nga alingbi na ambela ti agbia ti Perse so ayeke Sirus, Darius na Artakzerses.