Esdras 6:21 - Mbeti ti Nzapa - Tënë so amu fini

²¹ Tongaso, azo ti Israel so alondo na kodro wande akiri, ala kue ate kobe ti Pake legeoko na azo so angba na kodro, ala so azia lani lege ti sarango ye ti akotara ti amara nde ti sese ni so aga *sioni so. Azo ni abongbi oko na a-ita ti ala, atanga ti azuife ti voro *KOTA GBIA Nzapa ti Israel.

Esdras 6:21 Referans Kwoze

Esdras 9:11

so mo fa na e na lege ti awayanga-Nzapa, azo ti kua ti mo! Lani mo gboto mê ti e, mo tene: ‘Sese so ala yeke gue ti mu ni titene aga ti ala so ayeke *sioni, ngbanga ti so amara so aduti na sese ni ayeke *sioni; ala sara si asioni ye so zo alingbi ti baa na le ti lo fani use pepe amu ndo kue na sese ni.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Néhémie 9:2

Azo ti Israel azi tere ti ala si ala luti yamba na azo ti mara nde; azo ti Israel ni atene siokpari ti ala wani na gigi nga na ti akotara ti ala.

Esdras 9:1

Na peko ti aye so, amakonzi ti azo ti Israel aga atene na mbi: “Ataa asenge zo, ataa awayango-sandaga, ataa azo ti mara ti Lévi, mbeni zo so aduti nde na azo ti ambeni mara ayeke daa pepe. Ala sara gi asioni ye so zo alingbi ti baa na le ti lo fani use pepe; asioni ye so azo ti Kanaan, azo ti mara ti Het, ti Perizi, ti Yebus, ti Amon, ti Moab, ti Ezipte na ti Amori asara.

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Abia (Psaumes) 93:5

Ambela ti mo ayeke taa-tënë biani. KOTA GBIA, ayeke nzoni kota da ti mo aduti da so ayeke nde si ayeke nzoni kue kpu na kpu!

Néhémie 10:28

Maluk, Harim na Baana.

2 Mbai 30:19

azo so kue azia be ti ala ti gi mo Nzapa, KOTA GBIA, Nzapa ti akotara ti ala, ataa so ala sukula sioni ti ala pepe ti zia aye nde ndali ti mo.”