Esdras 5:16 - Mbeti ti Nzapa - Tënë so amu fini

¹⁶ Nilaa Sheshebasar aga ge na Jérusalem, lo lu afini gere ti kota da ti Nzapa. Ti londo na ngoi ni so ngbii asi fadeso, kua ti da ni angba ti tambula, me ade ti hunzi pepe.’

Esdras 5:16 Referans Kwoze

Esdras 6:15

Kota da ni ahunzi na lango baleuse na ota ti nze ti Adar ti ngu omene ni so Darius ayeke le-gbia.

Esdras 3:10

So azo ti lekengo kota da ti KOTA GBIA alu gere ti da ni awe, awayango-sandaga ayu abongo ti ala ti kua, ala mu atatalita si ala ga ti mu ndo ti ala. *Ahale ti Asaf, azo ti mara ti Lévi amu wen so atoto ngangu si ala na awayango-sandaga ni asepela KOTA GBIA alingbi na lege so David, gbia ti Israel, afa na ala.

Esdras 3:8

Na ngu use ni so ala si na Jérusalem, na ndo so kota da ti Nzapa ayeke lani daa, na use nze ni, Zorobabel, molenge ti Shealtiel, lo na Yeshua, molenge ti Yosadak, na tanga ti a-ita ti ala, na awayango-sandaga, na azo ti mara ti Lévi nga na azo so kue a gbu ala lani, a gue na ala na kodro wande si ala kiri na Jérusalem, ala to nda ti kua ni. Ala soro azo ti mara ti Lévi so ngu ti ala ayeke baleuse wala ahon so titene ala baa ndo na ndö ti akua ti lekengo da ti KOTA GBIA.

Aggée 2:18

Ala gbu li ti ala nzoni na aye so ayeke si, ti londo laso ti gue na ni. Laso, na lango baleuse na osio ti nze gumbaya ni si a zia gere ti kota da ti KOTA GBIA; be ti ala agirisa na ni pepe.

Esdras 5:2

Tongaso Zorobabel, molenge ti Shealtiel, lo na Yeshua, molenge ti Yosadak alondo ti leke kota da ti Nzapa so ayeke na Jérusalem. Awayanga-Nzapa amu maboko na ala.

Jean 2:20

Azuife ahunda lo, atene: “Kota da ti Nzapa so e sara ni na ya ti ngu baleosio na omene, mo tene ti mo, mo tene, mo yeke leke ni na ya ti lango ota?”

Esdras 5:14

Gbia Nabukodonosor amu ando akungba so a sara na lôro nga na wen ti nginza so ayeke na ya ti kota da ti Nzapa na Jérusalem si lo gue, lo zia ni na ya ti da ti anzapa ti Babilone. Gbia Sirus azi akungba ni na ya ti da ti anzapa ti Babilone si lo mu na Sheshebasar so lo zia lo govoronere ti Juda.

Esdras 5:15

Gbia Sirus amu yanga na Sheshebasar atene: Mo gue na akungba so, mo zia ni na ya ti kota da ti Nzapa ti Jérusalem; ayeke nzoni a kiri a leke kota da ti Nzapa gi na kozo ndo ni.

Zakarii 4:9

“Zorobabel laa alu agere ti kota da ni, lo laa lo yeke hunzi kua ti da ni.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi na ala.