Esdras 4:24 - Mbeti ti Nzapa - Tënë so amu fini

²⁴ Na Jérusalem, akua ti lekengo kota da ti Nzapa aluti; akua ni aluti ngbii asi na ngu use ni so Darius ayeke gbia ti Perse.

Esdras 4:24 Referans Kwoze

Aggée 1:15

Ala to nda ti akua ni na lango baleuse na osio ti nze omene ni.

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Néhémie 6:9

Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Néhémie 6:3

Mbi tokua azo na ala, mbi tene: “Mbi yeke na kua mingi ti sarango ni; mbi lingbi ti gue pepe. Tongana mbi londo ti gue na ala kâ, fade kua ni ayeke luti.”

Esdras 6:1

Tongaso gbia Darius amu yanga titene a gi ndo na Babilone na ya ti da ti batango angbene buku na ti amosoro ti gbia.

Esdras 5:5

Me le ti Nzapa ayeke na ndö ti *akangba ti azuife. Nilaa a kanga lege na ala pepe ti leke kota da ti Nzapa. Azo ni atokua mbeti na gbia Darius si ala yeke ku titene lo kiri tënë na ala na ndö ni si.

1 Tesalonike 2:18

Ndani laa, e ye ti gue na ndo ti ala kâ; mbi Paul, mbi gi lege fani mingi ti gue kâ, me Satan akanga lege na e.

Esdras 4:23

Gi so a diko mbeti ti gbia Artakzerses na Rehum, na wakuasu Shimeshai nga na amba ti ala awe, ala londo hio ague na Jérusalem. Ala sara ngangu na azuife, ala gbu azuife ni na ngangu titene ala zia lege ti lekengo gbata ni.

Esdras 5:1

Me mbeni lâ, wayanga-Nzapa Aggée na wayanga-Nzapa Zakarii, molenge ti Ido atene peko ti tënë ti yanga ti Nzapa ti Israel, Nzapa ti ala, na azuife so ayeke na Juda nga na ala so ayeke na Jérusalem.

Esdras 6:14

*Akangba ti azuife angba ti sara kota da ni si akua ni ayeke tambula nzoni, alingbi na atënë ti mungo ngangu na be so wayanga-Nzapa Aggée na Zakarii, molenge ti Ido atene na ala. Ala hunzi ti sara da ni, alingbi na yanga so Nzapa ti Israel amu nga alingbi na ambela ti agbia ti Perse so ayeke Sirus, Darius na Artakzerses.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Aggée 2:15

*KOTA GBIA akiri atene: “Fadeso, ala gbu li ti ala nzoni na aye so ayeke si, ti londo laso ti gue na ni. Kozo titene ala do atêne na ndoni na ndoni ti sara na kota da ti KOTA GBIA,

Zakarii 1:1

Na ngu use ni so Darius ayeke gbia, na nze miombe ni, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë ni atene:

Esdras 3:8

Na ngu use ni so ala si na Jérusalem, na ndo so kota da ti Nzapa ayeke lani daa, na use nze ni, Zorobabel, molenge ti Shealtiel, lo na Yeshua, molenge ti Yosadak, na tanga ti a-ita ti ala, na awayango-sandaga, na azo ti mara ti Lévi nga na azo so kue a gbu ala lani, a gue na ala na kodro wande si ala kiri na Jérusalem, ala to nda ti kua ni. Ala soro azo ti mara ti Lévi so ngu ti ala ayeke baleuse wala ahon so titene ala baa ndo na ndö ti akua ti lekengo da ti KOTA GBIA.

Esdras 4:5

Ti londo na ngoi so kue Sirus ayeke gbia ti Perse ngbii asi na ngoi so Darius aga gbia ti Perse, awato ni amu nginza na awamungo-wango ti gbia ti sara titene pialo ti azuife ali ngu.

Esdras 6:15

Kota da ni ahunzi na lango baleuse na ota ti nze ti Adar ti ngu omene ni so Darius ayeke le-gbia.

Daniel 11:2

Fadeso, mbi yeke fa na mo taa-tënë.’ ” “ ‘Baa, ambeni gbia ota ayeke kiri ti ga na li ti kodro ti Perse; osio ni ayeke ga nga. Me osio ni ayeke wara mosoro mingi ahon ambeni so kue. Tongana lo baa so mosoro ti lo ni amu na lo ngangu so alingbi awe, fade lo yeke londo ti sara bira na kodro ti Grese.

Aggée 2:18

Ala gbu li ti ala nzoni na aye so ayeke si, ti londo laso ti gue na ni. Laso, na lango baleuse na osio ti nze gumbaya ni si a zia gere ti kota da ti KOTA GBIA; be ti ala agirisa na ni pepe.