Esdras 3:8 - Mbeti ti Nzapa - Tënë so amu fini

⁸ Na ngu use ni so ala si na Jérusalem, na ndo so kota da ti Nzapa ayeke lani daa, na use nze ni, Zorobabel, molenge ti Shealtiel, lo na Yeshua, molenge ti Yosadak, na tanga ti a-ita ti ala, na awayango-sandaga, na azo ti mara ti Lévi nga na azo so kue a gbu ala lani, a gue na ala na kodro wande si ala kiri na Jérusalem, ala to nda ti kua ni. Ala soro azo ti mara ti Lévi so ngu ti ala ayeke baleuse wala ahon so titene ala baa ndo na ndö ti akua ti lekengo da ti KOTA GBIA.

Esdras 3:8 Referans Kwoze

Esdras 4:3

Me Zorobabel, Yeshua na tanga ti azo ti li ti asewa ti azo ti Israel akiri tënë na ala: “Ala laa alingbi ti mu maboko na e ti sara da ndali Nzapa ti e pepe; gi e oko laa e lingbi ti leke ni, ngbanga ti so ayeke kota da ti KOTA GBIA, Nzapa ti Israel. Sirus, gbia ti Perse laa amu yanga na e ti leke ni.”

1 Mbai 23:4

David asoro azo 24 000 titene ala baa ndo na ndö ti akua ti kota da ti *KOTA GBIA, azo 6 000 tongana awakuasu nga na awafango-ngbanga;

Wungo ti azo 4:3

Ala diko ala so ngu ti ala alondo na ngu baleota asi na ngu baleoku, ala so alingbi ti sara kua na ya ti da ti bongo so KOTA GBIA na azo ti lo ayeke wara tere daa.

Esdras 3:2

Yeshua, molenge ti Yosadak, lo na amba ti lo awayango-sandaga, na Zorobabel, molenge ti Shealtiel, lo na a-ita ti lo alondo ti sara gbalaka ti Nzapa ti Israel. Ala ye ti ya asandaga so a yeke gbi ni kue na wâ na ndö ni alingbi na tënë so a su na ya ti *Ndia ti Moïse, zo ti Nzapa.

Esdras 5:16

Nilaa Sheshebasar aga ge na Jérusalem, lo lu afini gere ti kota da ti Nzapa. Ti londo na ngoi ni so ngbii asi fadeso, kua ti da ni angba ti tambula, me ade ti hunzi pepe.’

Zakarii 4:9

“Zorobabel laa alu agere ti kota da ni, lo laa lo yeke hunzi kua ti da ni.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi na ala.

Zakarii 6:12

Na pekoni, mo tene na lo, mo tene: Tënë so KOTA GBIA so ayeke na ndö ti dunia kue atene ayeke so: Mbeni koli ayeke ge, iri ti lo ayeke: ‘Kete keke so asigigi’. Na ndo so kue lo yeke daa, akeke ayeke sigigi, fade lo yeke kiri ti leke kota da ti mbi.

1 Mbai 3:17

Yekonia so a kanga lo si a gue na lo na Babilone: amolenge ti lo ayeke Shealtiel,

Esdras 2:2

Ala na Zorobabel, Yeshua, Nehemia, Seraya, Relaya, Mordokai, Bileshan, Mispar, Bigvai, Rehum na Baana laa akiri. Wungo ti akoli ti Israel na lege ti kete mara ti ala ayeke tongaso:

Esdras 4:24

Na Jérusalem, akua ti lekengo kota da ti Nzapa aluti; akua ni aluti ngbii asi na ngu use ni so Darius ayeke gbia ti Perse.

Esdras 5:2

Tongaso Zorobabel, molenge ti Shealtiel, lo na Yeshua, molenge ti Yosadak alondo ti leke kota da ti Nzapa so ayeke na Jérusalem. Awayanga-Nzapa amu maboko na ala.

Esdras 10:18

Na popo ti awayango-sandaga, akoli so amu awali so ayeke awande, ayeke so: ambeni koli ti kete mara ti Yeshua na a-ita ti lo, amolenge ti Yosadak: akoli ni ayeke Maaseya, Eliezer, Yarib na Gedalia.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.