Ésaïe 8:20 - Mbeti ti Nzapa - Tënë so amu fini

²⁰ fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Ésaïe 8:20 Referans Kwoze

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Mishe 3:6

Ndani laa, ala awayanga-Nzapa, fade ndo ayeke vuko na ndö ti ala, ala yeke kiri ti baa ye na ya ti mbeni ye tongana bango-li pepe. Ti ala, ndo ayeke vuko pitipiti na ndö ti ala si aye so ayeke si ande, ala yeke kiri ti hinga ni pepe. Fade lâ ayeke kui na ndö ti awayanga-Nzapa ni si na kota lâ, ndo ayeke vuko na ndö ti ala.”

Jérémie 8:9

So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

Ésaïe 8:16

Tënë so mbi tene, mo bata ni nzoni; wango so mbi mu, le ti mo akpengba na ndö ni; mo fa ni gi na adisiple ti mbi.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Abia (Psaumes) 119:130

Gingo nda ti atënë ti mo ayeke zi le ti zo, ayeke sara si senge zo ahinga nda ti aye.

2 Pierre 1:9

Me zo so ayeke na anzoni ye so pepe, lo yeke tongana waziba so ayeke tatara ndo tatarango; lo girisa so Nzapa asukula angbene siokpari ti lo awe.

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Matthieu 6:23

Me tongana le ti mo abuba, tere ti mo kue ayeke na ya ti vukongo ndo. Tongana vurungo ndo so ayeke na ya ti mo avuko awe, fade akiri avuko pitipiti!”

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Ésaïe 1:10

Ala amakonzi so akpa ala ti Sodome, ala ma tënë ti *KOTA GBIA si! Ala azo so akpa azo ti Gomore, ala dingi mê ti ala, ala ma tënë ti Nzapa ti e.

Nzoni Tënë so Luc asu na mbeti 10:26

Jésus atene na lo: “Tënë ti nyen laa a su na ya ti mbeti ti *Ndia? Ti mo, nda ti tënë so mo diko so atene nyen?”

Abia (Psaumes) 78:5

Lo mu komandema na azo ti Jacob, lo lu ndia na Israel. Lo mu yanga na akotara ti e ti fa ye ni na amolenge ti ala.

Ésaïe 8:22

Na pekoni, ala yeke baa ndo na sese: gi ye ti ngangu na vukongo ndo, vukongo ndo so ayeke zia kota mbeto na be ti zo, vukongo ndo so avuko pitipiti.

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Esdras 10:3

E yeke deba yanga ti e na le ti Nzapa ti e ti tumba awali so kue ayeke awande, ala na amolenge ti ala. Tongaso, e yeke sara ye alingbi na wango so mo kota zo, mo mu ni, mo na azo so kue ayeke sara ye alingbi na atënë ti ndia ti Nzapa ti e. Ayeke nzoni e sara ye na lege ti ndia!

Marc 10:3

Jésus akiri tënë na ala: “Nyen laa Moïse amu yanga na ala ti sarango ni?”