Ésaïe 64:3 - Mbeti ti Nzapa - Tënë so amu fini

³ Mara ti ye so mo sara ndali ti azo so azia be ti ala na ndö ti mo, mbeni nzapa nde asara ni laoko pepe, me gi mo oko. Zo oko ama tënë ni laoko pepe, zo oko ahinga tënë ni laoko pepe, zo oko abaa ni laoko pepe.

Ésaïe 64:3 Referans Kwoze

Habakuk 3:3

Nzapa alondo na Teman si ayeke ga; lo so lo yeke nde si lo yeke nzoni kue so, lo londo na ahoto ti Paran si lo yeke ga. Luti kete Nengo ti lo ti gbia amu ya ti yayu kue, sese asi singo na tënë ti sepelango lo.

Abia (Psaumes) 106:22

lo sara aye ti kpene na kodro ti Kam, nga na aye ti ziango mbeto na be ti zo na tere ti kota ngu-ingo ti Asosongo.

Abia (Psaumes) 66:5

Ala ga abaa aye so Nzapa asara! Akota ye so lo sara ayeke zia mbeto na be ti azo.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Ndia ti fani use ni 10:21

Lo laa alingbi ala sepela lo, lo laa lo yeke Nzapa ti ala. Ndali ti ala laa lo sara akota ye na aye ti ziango mbeto na be ti zo so ala wani abaa na le ti ala so.

Habakuk 3:6

Tongana lo luti, sese ayeke yingi. Tongana lo baa ndo, amara ayeke do na mbeto. Ahoto ti giriri, ya ni asungba, akete hoto ti giriri ayeke kungbi, ati na sese, akete hoto ni ayeke ando lege so lo yeke tambula daa.

Ésaïe 64:1

ka mo yeke ga tongana wâ so ayeke gbi akete keke so ahole, tongana wâ so ayeke sara si ngu akporo; ka mo sara si awato ti mo ahinga mo; na dawa ti mo, ka tere ti amara nde ado!

Abia (Psaumes) 76:12

Ala azo, tongana ala mu zendo ti sara mbeni ye na *KOTA GBIA Nzapa ti ala, ayeke nzoni ala sara ye ni. Ala so kue angoro lo, ayeke nzoni ala ga na anzoni ye ti ala ti mu na Nzapa, lo so lo yeke zia kota mbeto na be ti azo so.

Abia (Psaumes) 68:8

Nzapa, lani mo hon na dawa ti azo ti mo, lani mo tambula ti gue na benyama. Luti kete

2 Samuel 7:23

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Ambeni nzapa asara tongaso ndali ti azo ti ala awe? Mo sara si iri ti azo ti mo awu na lege ti akota ye nga na aye ti dongo be so mo sara na ya ti kodro ti mo, na dawa ti azo ti mo so mo zi ala na Ezipte; mo zi ala na maboko ti ambeni mara nga na maboko ti anzapa ti amara ni, ti sara si ala ga azo ti mo.

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Sigingo 34:10

KOTA GBIA atene na Moïse: “Mbi yeke sara titene mbi na ala e ga ambuki. Na le ti azo ti mo kue, fade mbi yeke sara aye ti dongo be so ade ti si laoko pepe na mbeni ndo na ndö ti sese so wala na popo ti mbeni mara. Fade azo so kue angoro mo ayeke baa akota ye so mbi sara na lege ti mo si aye ni ayeke zia mbeto na be ti ala.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.