Ésaïe 6:8 - Mbeti ti Nzapa - Tënë so amu fini

⁸ Tongaso mbi ma go ti Kota Gbia, atene: “Zo wa laa mbi yeke tokua lo, zo wa? Zo wa laa ayeke gue ti tene peko ti tënë ti yanga ti e, zo wa?” Mbi kiri tënë, mbi tene: “Mbi laa, mo tokua mbi!”

Ésaïe 6:8 Referans Kwoze

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Ésaïe 65:1

*KOTA GBIA atene: “Azo so ahunda ye na mbi pepe, mbi zia lege na ala ti hunda mbi. Azo so agi mbi pepe, mbi zia lege na ala ti wara mbi; mbi tene: ‘Mbi laa, mbi laa!’ Me mbi tene tënë ni na mara so adi iri ti mbi pepe.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Tongo nda ti aye 1:26

Nzapa atene: “Ayeke nzoni e sara zo titene lo kpa e, titene lo duti tongana e! Lo sara komandema na ndö ti asusu ti ya ti kota ngu-ingo, na ndö ti andeke ti nduzu, na ndö ti anyama ti kodro, na ndö ti sese kue, na ndö ti anyama so ayeke hara harango na sese!”

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Ezekiel 1:24

Tongana aye ni ayeke tambula, mbi yeke ma toto ti akpangi ti ala. Toto ni ayeke tongana toto ti kota ngu-ingo; akpa go ti KOTA GBIA so ngangu ti lo ahon angangu kue; akpa wuluwulu ti gba ti aturugu. Tongana aye so ayeke na fini aluti, ala yeke kiri na akpangi ti ala na tere ti ala.

1 Agbia 22:20

KOTA GBIA ahunda ndo, atene: ‘Zo wa laa ayeke handa ande Akab titene lo gue, lo tiri bira na Ramot, na sese ti Galaad si azo afâ lo kâ, zo wa?’ Mbeni zo atene ti lo ge nde, mbeni atene ti lo kâ nde.

Ezekiel 10:5

*Akpangi ti asheruben ni atoto si a ma ni na ya ti gbagba ti mbage ti gigi kâ. Toto ni akpa go ti Nzapa so ngangu ti lo ahon angangu kue tongana lo yeke tene tënë.

Tongo nda ti aye 3:22

KOTA GBIA Nzapa atene: “Baa, zo aga tongana mbeni oko ti e awe, na lege ti hingango ye so ayeke nzoni na ye so ayeke sioni. Fadeso, alingbi a kanga lege na lo si lo kiri lo yoro maboko ti lo pepe, ti mu le ti keke so ayeke mu fini na zo so. Tongana lo te ni, fade lo yeke ngba na fini lakue lakue.”

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

Awatokua 26:19

“Ndani laa, gbia Agripa, ye so alondo na yayu si asi na mbi na ya ti mbeni ye tongana bango-li so, mbi ke ti sara ye ti peko ni pepe.

1 Samuel 3:4

KOTA GBIA airi Samuel. Samuel ayeda, atene: “Mbi laa.”

Ezekiel 9:1

Na pekoni, mbi ma *KOTA GBIA so adekongo na kota go, atene: “Ala ga, ala so a mu na ala lege ti ga na tere ti Jérusalem so! Ayeke nzoni zo oko oko aga na ye ti bira ti lo ti buba na gbata ni.”

Tongo nda ti aye 22:1

Na peko ti aye so, Nzapa atara be ti Abraham. Lo iri lo, lo tene: “Abraham!” Abraham ayeda, atene: “Mbi laa.”

Tongo nda ti aye 22:11

Me na nduzu kâ, *ange ti KOTA GBIA airi Abraham, atene: “Abraham! Abraham!” Abraham ayeda, atene: “Mbi laa!”

2 Samuel 1:7

Lo baa ndo na mbage ti mbi, lo iri mbi si mbi yeda, mbi tene: ‘Mbi laa.’