Ésaïe 6:4 - Mbeti ti Nzapa - Tënë so amu fini

⁴ Dekongo ti ala ni asara si yanga ti da ayingi na kadere ni kue; ya ti kota da ti Nzapa asi singo na guru ti wâ.

Ésaïe 6:4 Referans Kwoze

Aye so Nzapa afa 15:8

Ya ti kota da ti Nzapa asi na guru ti wâ ndali ti gonda ti Nzapa na ngangu ti lo. Zo oko alingbi ti li na ya ti kota da ni pepe, ngbii aye ti sioni mbarambara so a-ange aga na ni so ahunzi si.

Aye so Nzapa afa 11:19

Kota da ti Nzapa so ayeke na yayu, yanga ni azi si zo alingbi ti baa sanduku ti *mbuki so ayeke na ya ti kota da ni. Tongaso, wâ ti bekpa aza, a ma go ti azo, bekpa asungba, sese ayingi si *apembe ti bekpa atuku ngangu.

Ezekiel 10:5

*Akpangi ti asheruben ni atoto si a ma ni na ya ti gbagba ti mbage ti gigi kâ. Toto ni akpa go ti Nzapa so ngangu ti lo ahon angangu kue tongana lo yeke tene tënë.

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

Sigingo 40:34

Tongaso mbinda akanga ndö ti da ti bongo so Nzapa na azo ti lo ayeke wara tere daa si gonda ti KOTA GBIA asi singo na ya ni.

Amos 9:1

Mbi baa Kota Gbia aluti na nduzu na ndö ti gbalaka, lo tene: “Alingbi ala kungbi ali ti akota yongoro gere ti kota da ti Nzapa si agere ti da ni ayingi. Ala fâ li ti da ni si da ni atuku na ndö ti azo kue. Azo so angba na fini, fade mbi yeke sara si ala kui kuâ ti yongoro zeme; zo oko alingbi ti kpe pepe, zo oko alingbi ti soo kuâ pepe.

Abia (Psaumes) 18:8

Tongaso sese ayingi si ado, gere ti ahoto ado kirikiri si ayingi na ndembe so KOTA GBIA asara ngonzo.

Ezekiel 1:24

Tongana aye ni ayeke tambula, mbi yeke ma toto ti akpangi ti ala. Toto ni ayeke tongana toto ti kota ngu-ingo; akpa go ti KOTA GBIA so ngangu ti lo ahon angangu kue; akpa wuluwulu ti gba ti aturugu. Tongana aye so ayeke na fini aluti, ala yeke kiri na akpangi ti ala na tere ti ala.

Ezekiel 41:16

Akadere ti afenetere ni, alege so ahon na tere ti a-etaze ota ni, kue a pika keke na tere ni. Ala kanga keke ni na ndo kue, ti londo na sese ngbii asi na afenetere. Ataa afenetere, a pika keke na tere ni.

Ezekiel 44:4

Koli ni amu mbi, ague na mbi na yanga ti gbagba ni ti mbage ti Banga, na dawa ti kota da ni. Mbi baa ndo si mbi baa gonda ti KOTA GBIA asi singo na ya ti kota da ni. Mbi kuku, mbi kpo li ti mbi na sese.