Ésaïe 6:2 - Mbeti ti Nzapa - Tënë so amu fini

² Ambeni serafen aluti na nduzu na ndö ti lo. Serafen oko oko ayeke na *kpangi omene: akpangi use ayeke titene ala kanga na le ti ala, ambeni use ayeke titene ala kanga na agere ti ala si ambeni use ayeke titene ala huru na ni.

Ésaïe 6:2 Referans Kwoze

Aye so Nzapa afa 4:8

Aye osio so ayeke na fini, ala oko oko ayeke na *kpangi omene. Ale ti bango na ndo ayeke na tere ti akpangi ni kue, na ya ni nga na gigi. Bi na lâ, ala ngba ti he bia, atene: “*Kota Gbia, Nzapa so ngangu ti lo ahon angangu kue, lo yeke nde, lo yeke nde; lo yeke nde si lo yeke nzoni kue! Lo yeke ando, lo yeke laso si lo yeke ga.”

Ezekiel 1:11

So ayeke ndö ti le ti ala laa. Ti akpangi ti ala, use azi ya ti tere na mbage ti nduzu si ayanga ni andu tere. Tanga ti akpangi use ni akanga tere ti ala.

Abia (Psaumes) 104:4

Mo sara si apupu aga awatokua ti mo si amenga ti wâ aga azo ti kua ti mo.

Abia (Psaumes) 103:20

Ala, *a-ange ti lo, ala mu singila na KOTA GBIA! Ala so ayeke na ngangu si ala yeke sara ye na peko ti yanga ti lo, gi so lo zi yanga awe, ala yeke sara ye alingbi na ni.

Ésaïe 6:6

Mbeni serafen oko amu wen ti gbungo na ye, agbu na le ti wâ so ayeke na ndö ti gbalaka. Serafen ni ahuru, aga na mbage ti mbi.

Abia (Psaumes) 18:10

Lo dingi le ti nduzu si lo zu na sese, vukongo mbinda ayeke na gbe ti gere ti lo.

1 Agbia 6:24

Yongo ti *kpangi oko ti kozo sheruben ni ayeke metere use na ndambo. Ti londo na li ti mbeni kpangi oko asi na li ti mbeni kpangi ni na mbage, yongo ni ayeke metere oku.

Aye so Nzapa afa 14:6

Na pekoni, mbi baa mbeni *ange nde so ayeke huru yongoro kâ na le ti nduzu. Lo yeke na mbeni Nzoni Tënë so ayeke ngba lakue lakue ti fa na azo ti amara kue, azo ti akete mara kue, azo ti ayanga ti kodro kue nga na azo ti akodro kue. Tënë ni ayeke.

Aye so Nzapa afa 8:13

Mbi kiri mbi baa ndo, mbi ma mbeni *ngoalo so ayeke huru yongoro kâ na le ti nduzu si ayeke dekongo, atene: “Mawa! Mawa! Mawa na azo ti ndö ti sese ndali ti atatalita so a-ange ota ayeke huru ni ande!”

Aye so Nzapa afa 7:11

*A-ange so kue angoro mbata ti gbia ni, na *akangba ni na aye osio so ayeke na fini, ala kue akuku, akpo li ti ala na sese si ala voro Nzapa.

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Ezekiel 10:21

Sheruben oko oko ayeke na le osio nga na kpangi osio; na gbe ti akpangi ti ala, ambeni ye so akpa maboko ti zo ayeke daa.

Ezekiel 1:24

Tongana aye ni ayeke tambula, mbi yeke ma toto ti akpangi ti ala. Toto ni ayeke tongana toto ti kota ngu-ingo; akpa go ti KOTA GBIA so ngangu ti lo ahon angangu kue; akpa wuluwulu ti gba ti aturugu. Tongana aye so ayeke na fini aluti, ala yeke kiri na akpangi ti ala na tere ti ala.

Ezekiel 1:9

Ayanga ti akpangi ti ala kue andu tere. Tongana ala yeke tambula, ala yeke turne tere ti ala pepe; me ye oko oko ayeke tambula mbirimbiri na dawa ti lo wani.

Ezekiel 1:6

Ye ni oko oko ayeke na ndö ti le osio nga na *kpangi osio.

Mbeti ti Job 15:15

Ataa *a-ange ti lo, Nzapa azia be ti lo na ndö ti ala pepe; ataa yayu ayeke *nzoni na le ti lo pepe

Mbeti ti Job 1:6

Mbeni lâ, ala so ayeke lango na yayu aga aluti na dawa ti *KOTA GBIA. Satan, lo so ayeke bi tënë na li ti zo, lo nga lo ga na popo ti ala.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

1 Agbia 8:7

Biani, asheruben ni azi ya ti akpangi ti ala na ndö ti ndo so sanduku ti mbuki ni ayeke daa ti kanga ndö ti sanduku ni nga na akeke ti yongo na ni.

1 Agbia 6:27

A zia asheruben ni na be ti kubu so ayeke na ngbonda ti kota da ni. Ya ti kpangi ti asheruben ni kue azi; kpangi ti kozo sheruben ni andu dere ti kubu ni na mbage, kpangi ti use sheruben ni andu dere ti kubu ni na mbeni mbage. Ti ambeni kpangi use so, ala tengbi tere taa na be ti kota da ni.

Sigingo 37:9

Asheruben ni azi ya ti *akpangi ti ala kota na ndö ti ye ti kangango na yanga ti sanduku ni ti bata ni. Asheruben ni ayeke luti, ala yeke baa le ti tere si ala yeke baa ndo na mbage ti ye ti kangango na yanga ti sanduku ni.

Sigingo 25:20

Asheruben ni ayeke zi ya ti *akpangi ti ala kota na ndö ti ye ti kangango na yanga ti sanduku ni ti bata ni. Asheruben ni ayeke luti, ala yeke baa le ti tere si ala yeke baa ndo na mbage ti ye ti kangango na yanga ti sanduku ni.

Abia (Psaumes) 89:7

KOTA GBIA, na nduzu kâ, zo wa laa alingbi na mo, zo wa? Na popo ti anzapa, mbeni oko tongana mo ayeke daa?

Mbeti ti Job 4:18

Baa, ala so ayeke sara kua na lo, Nzapa azia be ti lo na ndö ti ala pepe; ataa *a-ange ti lo, lo wara tënë ti kirikiri na li ti ala.

1 Agbia 19:13

Gi so Élie ama go ni so, lo mu kota bongo ti lo si lo kanga na le ti lo. Lo sigigi na ya ti kota du ni si lo luti na yanga ni. Lo ma mbeni go so atene na lo: “Élie, nyen laa mo yeke sara ge, nyen?”

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Tongo nda ti aye 17:3

Abram ati, lo kpo li ti lo na sese. Nzapa atene tënë na lo, atene:

Ahebro 1:7

Tënë so Nzapa atene na ndö ti a-ange ayeke so: “Lo sara si a-ange ti lo aga tongana kota pupu; lo sara si azo ti kua ti lo aga tongana amenga ti wâ.”

Nzoni Tënë so Luc asu na mbeti 1:10

Na ndembe so a yeke zö ka dukani, azo kue ayeke ngba na gigi si ayeke sambela.

Zakarii 3:4

Ange ni amu yanga na azo so ayeke luti na dawa ti lo, atene: “Ala zi asarate bongo so na tere ti lo.” Na pekoni, lo tene na Yeshua: “Baa, mbi zi asioni ti mo awe, mbi yeke yu na mo abongo ti matanga.”

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.

Ezekiel 10:16

Tongana asheruben ni ayeke tambula, aruu ni ayeke tambula na tere ti ala. Tongana asheruben ni azi ya ti akpangi ti ala ti londo na le ti nduzu, aruu ni ayeke hon nde pepe, me ala yeke ngba na tere ti asheruben ni.

Ezekiel 1:4

Ye so mbi baa ayeke so: mbeni ngangu pupu alondo na mbage ti Banga si ayeke ga. Pupu ni ayeke ga na mbeni ngbongboro mbinda; mbeni ngangu lumiere ti vukongo le ti zo angoro mbinda ni si awâ ti bekpa ayeke kpe na ya ni nzerrr nzerrr. Taa na be ti mbinda ni, ale ti wâ ayeke za daa lawu lawu si mbeni ye ayeke za daa tongana lôro so a yoro ni na ya ti wâ.

Néhémie 9:6

Mo laa mo yeke KOTA GBIA, gi mo oko! Mo sara yayu so akono ahon ndoni nga na atongoro kue. Mo sara sese na aye so kue ayeke na ndö ni. Mo sara akota ngu-ingo na aye so kue ayeke na ya ni. Mo yeke bata aye so kue na fini; aye so kue ayeke na yayu ayeke kuku na gbe ti mo.