Ésaïe 57:21 - Mbeti ti Nzapa - Tënë so amu fini

²¹ Nzapa ti mbi atene: “Siriri ayeke ndali ti azo ti sioni pepe.”

Ésaïe 57:21 Referans Kwoze

Ésaïe 48:22

KOTA GBIA atene: “Siriri ayeke ndali ti azo ti sioni pepe.”

Ésaïe 59:8

Ala hinga lege ti dutingo na siriri pepe; na ndö ti lege so ala hon daa, sarango ye ti mbirimbiri ayeke daa pepe. Ala sara si alege ti ala aba bango, zo so kue atambula na ndö ti lege ni, lo yeke duti na siriri pepe.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

2 Agbia 9:22

Gi so Yoram abaa Yehu awe, lo tene: “Yehu, mo ga na tënë ti siriri?” Yehu akiri tënë: “Nyen? Siriri? So mama ti mo Yezabel angba ti voro anzapa nde si lo ngba ti sara mazi so!”

Ésaïe 49:4

Ti mbi, mbi tene fade, mbi tene: “Mbi baa pasi na sarango kua senge senge, mbi hunzi ngangu ti mbi kue senge senge, ye ti peko ni oko ayeke daa pepe.” Andaa *KOTA GBIA laa ayeke baa lege ti nzoni fango ngbanga ti mbi, futa ti mbi ayeke na maboko ti Nzapa ti mbi.

Ezekiel 13:16

Ti ala awe, awayanga-nzapa so ayeke tene lani tënë ti peko ti yanga ti Nzapa na ndö ti Jérusalem si ala yeke baa ye na ya ti mbeni ye tongana bango-li, ala yeke tene, siriri ayeke daa, andaa siriri ayeke daa pepe!’ So tënë ti yanga ti Kota Gbia NZAPA laa.”