Ésaïe 52:3 - Mbeti ti Nzapa - Tënë so amu fini

³ Biani, tënë so *KOTA GBIA atene ayeke so: “Lani so a ka ala tongana angbaa, a futa mbeni ye pepe; fade a yeke futa nginza nga pepe ti zi ala.”

Ésaïe 52:3 Referans Kwoze

Ésaïe 45:13

Mbi laa mbi soro koli so na lege ti mbirimbiri. Alege so kue lo yeke hon daa, mbi yeke sara si aga kpangbara. Lo laa lo yeke kiri ti leke Jérusalem, gbata ti mbi. Azo ti mbi so a gbu ala, a gue na ala na kodro wande, lo laa lo yeke zia lege na ala ti kiri. Ala yeke mu na lo mbeni ye oko pepe, wala ala yeke futa nga lo pepe. Tënë so KOTA GBIA so ayeke na ndö ti dunia kue atene laa.”

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;

Abia (Psaumes) 44:12

Mo zia e na maboko ti ala tongana ataba ti fango ni; mo kangbi e kirikiri na popo ti amara nde.

Jérémie 15:13

“Mo Juda, anzoni ye ti mo na amosoro ti mo, mbi yeke mu azo titene ala gbu ahon na ni, fade mo yeke wara ye oko na peko ni pepe. So ayeke ye ti peko ti asioni ye ti mo kue laa, asioni so kue mo sara na ndö ti sese ti mo mobimba.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 1:27

Fade a yeke soo *Sion na lege ti fango ngbanga ti mbirimbiri; azo ti gbata ni so azia ngbene lege ti sarango ye ti ala, a yeke soo ala na lege ti sarango ye na legeni.

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Ezekiel 16:31

Na asangbi-lege kue, mo sara mbeni da-nduzu; mo sara mbeni ndo na nduzu na ndo so kue azo ayeke bongbi daa. Me mo sara ye tongana awali-ndumba pepe: mo ke ti hunda nginza.

Ezekiel 34:27

Fade akeke ti yaka ayeke le alengo ni, sese ayeke du ale ti kobe; azo ti mbi ayeke duti na siriri na sese ti ala. Mbi yeke fâ ya ti *zuge so ane na ndö ti ala, mbi yeke zi ala na gbe ti azo so asara ala ngbaa. Tongaso, fade ala yeke hinga atene, mbi laa mbi yeke KOTA GBIA.

Awayango-sandaga 25:54

Tongana a kiri avo zo ni alingbi na mbeni oko lege so a fa so pepe, fade zo ni ayeke sigigi yamba na gbe ti ngbaa, lo na amolenge ti lo na ngu ti kiringo na nengo ti azo ti Israel.”

Abia (Psaumes) 44:13

Mo ka azo ti mo na kete ngere, mo wara ye oko na peko ni pepe.