Ésaïe 51:8 - Mbeti ti Nzapa - Tënë so amu fini

⁸ Fade kangi ayeke te ala tongana ti so lo yeke te bongo, kangi ayeke te ala tongana ti so lo yeke te bongo so a sara na kua ti tere ti taba. Me songo so mbi yeke ga ti soo azo na kuâ ayeke ngba lakue, zingo azo ayeke ngba kpu na kpu.”

Ésaïe 51:8 Referans Kwoze

Ésaïe 51:6

Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Ésaïe 50:9

Kota Gbia NZAPA laa ayeke mu na mbi maboko. Zo wa laa alingbi ti fâ ngbanga na li ti mbi? Biani, fade awato ti mbi ayeke buba kue tongana gbagba bongo so akangi ate ni kue.

Nzoni Tënë so Luc asu na mbeti 1:50

Lo yeke sara nzoni be kpu na kpu na azo so akpe mbeto ti lo.

Osée 5:12

Mbi, fade mbi yeke duti tongana fungo ka ndali ti Efraim, mbi yeke duti tongana ka ti sanzo ndali ti azo ti Juda.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Mbeti ti Job 4:19

Lo lingbi ti zia be ti lo na ndö ti azo tongana nyen? Azo so a mu sese si a sara na ala so, azo so ayeke fuku ti sese so si a yeke nika ala nikango tongana angungu so!

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Mbeti ti Job 13:28

Me tere ti mbi ayeke buba tongana keke so afun; wala tongana bongo so akangi ate ni.

Ésaïe 14:11

Na lege ti toto ti kundi ti mo, a bi nengo ti mo ti gbia na ndo ti akuâ. Gbogbo ti mo ayeke puru, angusu ayeke balangeti ti mo.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Ésaïe 54:9

“Mbi yeke sara ye tongana ti so mbi sara ando na ngoi ti Noe. Ando, mbi deba yanga ti mbi, mbi tene, fade ngu ayeke kiri ti suku ti mu ndö ti sese kue pepe. Legeoko nga, mbi deba yanga ti mbi, mbi tene, fade mbi yeke kiri ti sara ngonzo na tere ti mo pepe, mbi yeke kiri ti suku na mo pepe.