Ésaïe 51:11 - Mbeti ti Nzapa - Tënë so amu fini

¹¹ Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 51:11 Referans Kwoze

Ésaïe 25:8

Lo yeke mingo kuâ biani biani. Kota Gbia NZAPA ayeke mbo ngu ti le ti azo kue; lo yeke zi kamene na le ti azo ti lo na ndö ti sese so kue. KOTA GBIA laa atene tënë so.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Ésaïe 61:7

KOTA GBIA atene: “Na plase ti kamene so lani ahon ndö ti ala, fade ala yeke wara sese ti azo ni akono fani use. Na plase ti zongango ndo so azo azonga ala, ala yeke dodo na ngia, ngia ni ayeke ngba lakue lakue.

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Aye so Nzapa afa 22:3

Mbeni ye so Nzapa adeba ni ayeke duti ande na ya ti gbata ni pepe. Mbata ti Gbia Nzapa na ti Molenge ti Taba ayeke duti na ya ti gbata ni si azo ti kua ti lo ayeke voro lo.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Ésaïe 65:19

Mbi nga, mbi yeke duti na ngia ndali ti Jérusalem, ngia ayeke si singo na be ti mbi ndali ti azo ti mbi. Zo ayeke kiri ti ma toto pepe wala dekongo pepe.

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Aye so Nzapa afa 21:1

Na pekoni, mbi baa fini yayu na fini sese. Kozo yayu na kozo sese ahon awe si kota ngu-ingo ayeke daa mbeni pepe.

Abia (Psaumes) 126:5

Zo so alu le ti kobe na ngu ti le, fade lo yeke ko le ti kobe ni na ngia.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ésaïe 55:12

Fade ala yeke londo na Babilone na ngia, a yeke kiri na ndo ti ala na siriri. Na hongo ti ala, ahoto na akete hoto ayeke dekongo na ngia, akeke kue ti ngonda ayeke pika sako.

Ésaïe 65:14

Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Jérémie 31:13

Tongaso, fade amaseka-wali ayeke dodo na ngia, amaseka-koli na ambakoro ayeke sara legeoko tongaso. Mbi yeke sara si mawa ti ala aga ngia, mbi yeke de be ti ala. Na peko ti vundu ti ala, mbi yeke sara si ala duti na ngia.

Abia (Psaumes) 126:2

Tongaso yanga ti e kue gi na ngia, bia ti songo benda na yanga ti e. Azo ti amara nde atene: “KOTA GBIA asara kota ye mingi ndali ti ala!”