Ésaïe 5:14 - Mbeti ti Nzapa - Tënë so amu fini

¹⁴ Tongaso, fade ndo ti akuâ ayeke zi yanga ti lo kota, lo yeke zi ni akono ahon ndoni. Akota zo ti kodro na asenge zo ti gbata ni ayeke li na ya ni, ala na aye ti wusuwusu ti ala, na ngia ti ala kue.

Ésaïe 5:14 Referans Kwoze

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Amato 30:16

ndo ti akuâ, wali ti dungo ni pepe, sese so ngu ayeke daa pepe na wâ so ayeke tene laoko pepe: “Awe!”

Matthieu 7:13

“Ala li na kete yanga ti da! Biani, zo so ali na kota yanga ti da, andaa lo mu lege ti kuâ. Lege ti kuâ ayeke kota si azo mingi ayeke mu ni.

Amato 27:20

Ndo ti akuâ na *kota du so alinda mingi, ya ni asi laoko pepe. Legeoko nga, nzara ti warango ye ayeke hunzi na be ti zo laoko pepe.

Abia (Psaumes) 55:15

Mbi na mo, e yeke tene tënë ti be ti e lani na popo ti e, e yeke tambula legeoko ti gue na kota da ti Nzapa.

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

Ésaïe 14:9

Na gbeni kâ, ndo ti akuâ ayingi ti yamba mo na gango ti mo. Ndali ti mo, lo yeke zingo akuâ, akota zo ti sese so; lo sara si agbia kue ti amara nde alondo na ndö ti mbata ti ala ti gbia.

Nzoni Tënë so Luc asu na mbeti 17:27

Ando azo ayeke te, ayeke nyon, akoli na awali ayeke mu tere, ngbii asi na lango so Noe ali na ya ti kota mangboko: kota ngu apika, asuku amu ndo kue si afâ ala kue.

Ésaïe 21:4

Li ti mbi aga kirikiri, mbeto ahon ndö ti mbi. Mbi yeke ku fade lakui ti wu pupu, me lakui ni akiri aga ye ti zia kota mbeto na be ti mbi.

Amato 1:12

E mene ala na fini ni tongana ti so du ti kuâ ayeke mene akuâ; e mene ala na ngbongboro ni, titene ndo ti akuâ ni amene ala.

Abia (Psaumes) 49:14

Azo so azia be ti ala mingi na ndö ti ala wani, azo so tënë ti ala wani anzere na ala mingi so, baa ye so ayeke si ande na ala ayeke so:

Daniel 5:30

Gi na bi ni, azo afâ Baltazar, gbia ti Babilone.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Ésaïe 14:11

Na lege ti toto ti kundi ti mo, a bi nengo ti mo ti gbia na ndo ti akuâ. Gbogbo ti mo ayeke puru, angusu ayeke balangeti ti mo.

Ésaïe 24:8

Toto ti ngo so ayeke zia lani ngia na be ti azo akai awe, dekongo na ngia ti azo ahunzi awe, toto ti kundi so ayeke zia ngia na be ti azo akai awe.

Ezekiel 7:12

Ngoi ni alingbi awe! Lango ni aga nduru awe! Ayeke nzoni zo ti vongo ye akai ngia ti lo, zo ti kango ye aduti na vundu pepe, ngbanga ti so ngonzo ti mbi ti wâ ayeke londo na tere ti azo ti kodro ni kue.