Biblia Todo Logo
Bib sou entènèt

- Piblisite -




Ésaïe 47:10 - Mbeti ti Nzapa - Tënë so amu fini

10 Mo zia be ti mo na ndö ti asioni sarango ye ti mo, mo tene: “Zo oko abaa mbi pepe.” Me sioni ndara ti mo na sioni hingango ndo ti mo laa ahanda mo. Mo tene na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe!”

Gade chapit la Kopi




Ésaïe 47:10
23 Referans Kwoze  

Mawa na ala, azo so abaa tere ti ala tongana azo ti ndara, azo so abaa tere ti ala tongana azo ti hingango ndo!


So mawa na azo so ayeke sara ye na gbe mingo si ala yeke honde apialo ti ala na *KOTA GBIA so! Ala yeke sara aye ti ala na ya ti vukongo ndo, ala yeke tene: “Zo wa laa abaa e, zo wa? Zo wa laa ahinga ye so e sara, zo wa?”


Ala baa ti ala atene, ala yeke azo ti ndara, andaa ala ga azo ti buba awe.


Ndani laa Nzapa ayeke buba ande mo biani biani; lo yeke gboto mo na ya ti da ti mo ti bi mo na gigi; lo yeke zi mo na ndö ti sese ti azo so angba na fini. Luti kete


Nzapa atene na mbi: “Molenge ti zo, ye so akangba ti Israel ayeke sara na gbe mingo so, mo baa ni na le ti mo awe-aa? Zo oko oko ayeke na ndo ti vorongo nzapa ti lo na ya ti kubu ti lo. Ala yeke tene: ‘KOTA GBIA alingbi ti baa e oko pepe; lo do kodro ni, lo zia awe!’ ”


Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.


Biani, ndara ti azo ti dunia so ayeke ye ti buba na le ti Nzapa. A su na ya ti Mbeti ti Nzapa, atene: “Lo yeke gbu azo ti ndara na lege ti mayere ti ala wani.”


KOTA GBIA akiri tënë na mbi, atene: “Sioni ti azo ti Israel na ti azo ti Juda ayeke kota ahon ndoni; mene asi singo na ya ti kodro ni, sarango ngangu na azo asi singo na ya ti gbata ni. Biani, azo ni ayeke tene: ‘KOTA GBIA ado kodro ni azia awe, lo lingbi ti baa e oko pepe.’


Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”


Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”


Zo oko ayeke na komandema na ndö ti fini ti lo pepe; pupu so ayeke mu na lo fini, lo lingbi ti gbanzi ni pepe. Zo oko ayeke na komandema na ndö ti lango ti kuâ ti lo pepe. Tongana bira aga, turugu oko alingbi ti gboto tere ti lo ti hon pepe. Zo ti sioni, fade sioni ti lo ni alingbi ti soo lo pepe.


Ala honde tere ti ala ti pika ale ti kokora ni na ndö ti zo so alingbi kue; gi hio tongaso, ala pika ale ti kokora ni, mbeto asara ala oko pepe.


“Ala yeke tene: E na kuâ e ga *ambuki awe, e na ndo ti akuâ, e leke tënë awe. Tongana ye ti ngangu ayeke si ande, ye ni ayeke wara e pepe. Biani, tenengo mvene aga ndo so e yeke kpe daa ti bata tere ti e, handango azo ayeke ndo ti hondengo tere ti e.”


Lo tene na be ti lo: “Nzapa agirisa tënë ni awe; lo kanga le ti lo awe, lo baa ye laoko pepe.”


Fadeso, ma tënë so si! Mo wali so mo ye ngia mingi so, mo so mo duti kpoo si mo tene fade na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe! Mbi yeke ga ande wali-mua pepe, amolenge ti mbi ayeke kui pepe.”


Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”


Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”


Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.


Swiv nou:

Piblisite


Piblisite