Ésaïe 46:2 - Mbeti ti Nzapa - Tënë so amu fini

² Anzapa ni akuku, ala ti legeoko; ala lingbi ti soo ayanda ti ala pepe, ala wani, ala gue na ngbaa.

Ésaïe 46:2 Referans Kwoze

Jérémie 48:7

Moab, ando mo zia be ti mo na ndö ti asarango ye ti mo nga na ndö ti amosoro ti mo. Mo nga, a gbu mo awe! Fade a yeke gbu nzapa ti mo Kemosh ti gue na lo na lo na kodro wande, lo na awayango-sandaga ti lo na amakonzi ti lo.

2 Samuel 5:21

Azo ti Filistii ni azia ayanda ti ala na ndo ni so. David na azo ti lo amu ague na ni.

Awafango-ngbanga 18:24

Mika akiri tënë na ala: “Ala mu anzapa so mbi sara ndali ti mbi; ala mu nga wayango-sandaga ti mbi, ala hon na lo. Mbeni ye oko angba na mbi pepe si ala yeke hunda mbi, atene: ‘Nyen laa asara mo, nyen?’ ”

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 44:17

Na mbeni mbage ti keke ni, ala yeke sara na mbeni nzapa, mbeni yanda so ala yeke kuku na gbe ti lo, ala yeke voro lo si ala yeke sambela lo, atene: “Mo yeke nzapa ti e, soo e!”

Ésaïe 37:19

Agbia ni abi anzapa ti azo ni na le ti wâ. Andaa, anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Ésaïe 37:12

So ababâ ti mbi abuba ando agbata tongana: Gozan, Haran, Resef nga na gbata ti Telasar so azo ti sese ti Bet-Eden ayeke lango ando daa so, anzapa ti ala azi ala na maboko ti ababâ ti mbi ni?

1 Samuel 5:3

Na ndade ni, azo ti Asdod alondo na kota ndaperere, ala ye ti baa, Dagon laa ati na sese na dawa ti sanduku ti mbuki ti *KOTA GBIA so. Ala mu Dagon na nduzu, ala kiri na lo na plase ti lo.

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Jérémie 51:47

Ambeni lango ayeke ga so mbi yeke ga na tere ti ayanda ti Babilone. Kodro ni kue ayeke duti na ya ti kamene. Azo so akui kuâ ti bira, ala yeke ngba ti lango na sese na ya ti gbata ni.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”