Ésaïe 44:13 - Mbeti ti Nzapa - Tënë so amu fini

¹³ Sarapande agboto kamba ti haka na nduru keke ti lo, lo suru lege ni na kree, lo de tere ti keke ni na zeme, lo kpaka tere ni na rabo titene aza. Lo sara si keke ni aga tongana zo, aga pendere limo so akpa zo si a zia ni ti duti na ya ti mbeni da.

Ésaïe 44:13 Referans Kwoze

Rome 1:23

Nzapa so alingbi na gonda si lo yeke na fini kpu na kpu, azo azia ti voro lo si ala yeke voro limo ti zo so ayeke kui kuingo, ti andeke, ti anyama ti gere osio na ti anyama so ayeke hara harango.

Awatokua 17:29

So e yeke amolenge ti Nzapa, e lingbi ti baa Nzapa pepe tongana anzapa so zo amu lôro, wen ti nginza wala têne si aleke na ni na lege ti ndara na kode ti lo.

Ezekiel 8:12

Nzapa atene na mbi: “Molenge ti zo, ye so akangba ti Israel ayeke sara na gbe mingo so, mo baa ni na le ti mo awe-aa? Zo oko oko ayeke na ndo ti vorongo nzapa ti lo na ya ti kubu ti lo. Ala yeke tene: ‘KOTA GBIA alingbi ti baa e oko pepe; lo do kodro ni, lo zia awe!’ ”

Ésaïe 41:7

Wakode-kua ayeke mu ngangu na zo so ayeke kporo lôro na wâ ti sara na alimo; zo so ayeke sara si tere ti wen aza zango ayeke mu ngangu na zo ti pikango ndao. Lo yeke tene tënë ti kua ti lo, lo tene: ‘Kua ni ayeke nzoni!’ Na pekoni, lo yeke pika limo ni na pondi titene ayingi pepe.”

Awafango-ngbanga 18:24

Mika akiri tënë na ala: “Ala mu anzapa so mbi sara ndali ti mbi; ala mu nga wayango-sandaga ti mbi, ala hon na lo. Mbeni ye oko angba na mbi pepe si ala yeke hunda mbi, atene: ‘Nyen laa asara mo, nyen?’ ”

Ndia ti fani use ni 27:15

‘Deba aga na ndö ti zo so amu wen akporo ni si asara na mbeni nzapa nde wala na mbeni yanda si lo honde ni na mbeni ndo ti voro ni!. So ayeke ye so maboko ti zo asara. Tongaso, ayeke ye so ayeke sioni mingi na le ti *KOTA GBIA.’ Fade azo kue ayeke kiri tënë: ‘Amen!’

Ndia ti fani use ni 4:28

Kâ, ala yeke voro anzapa nde so maboko ti zo laa asara; a sara anzapa ni na keke nga na têne. Anzapa ni alingbi ti baa ndo pepe, ti ma ndo pepe, ti te ye pepe, wala ti ma fion ti ye pepe.

Tongo nda ti aye 35:2

Jacob atene na azo ti sewa ti lo nga na azo so kue amu peko ti lo, atene: “Ala zi anzapa ti akodro wande so ayeke na popo ti ala. Ala *sukula asioni ti ala si ala yu ambeni bongo nde.

Tongo nda ti aye 31:32

Me ti anzapa ti mo, zo so mo yeke wara ni na maboko ti lo, lo lingbi na kuâ! Na dawa ti a-ita ti e, mo gi ye ti mo so ayeke na mbi si mo mu ni.” Jacob ahinga ti lo fade pepe atene, Rachel anzi anzapa ti Laban.

Tongo nda ti aye 31:30

Fadeso, mo londo, mo hon awe, ngbanga ti so be ti mo ayeke do dongo lani ti kiri na da ti babâ ti mo. Me mo nzi anzapa ti da ti mbi ngbanga ti nyen?”

Tongo nda ti aye 31:19

Laban ague ti fâ kua ti tere ti anyama ti lo. Na ndembe ni so, Rachel ague, anzi anzapa ti da ti babâ ti lo.

Ésaïe 44:14

Lo fâ keke ti sedre, lo soro keke ti shene wala ti terebente na popo ti akeke ti ngonda. Lo lu keke ti pen, ngu-Nzapa apika na ndö ni si ayeke kono.

Ezekiel 8:10

Mbi li si ye so mbi baa ayeke so: na tere ti dere ti gbagba ni kue, a de alimo ti anyama nde nde so kue ayeke hara harango nga na anyama so ayeke sioni so akpa titene zo abaa ni pepe. A de nga limo ti ayanda kue ti azo ti Israel na tere ti dere ni angoro ni kue kue kue.

Ezekiel 8:11

Akangba balembarambara ti azo ti Israel aluti na le ti alimo ni. Na popo ti ala Yazania, molenge ti Shafan ti koli ayeke daa. Zo oko oko agbu kete ta ti zongo na dukani na maboko ti lo si gba ti guru ti dukani ni ayeke ya ti gue na nduzu.