Ésaïe 44:12 - Mbeti ti Nzapa - Tënë so amu fini

¹² Zo ti pikango ndao ayeke za yanga ti do, lo sara kua ni na le ti wâ so ate mingi, lo mu martoo si lo leke na tere ti wen ni, lo pika ni ngangu. Me tongana nzara asara lo, ngangu ahunzi na lo. Tongana lo nyon ngu pepe, baa lo woko awe.

Ésaïe 44:12 Referans Kwoze

Ésaïe 40:19

Yanda? Wakode-kua laa akporo wen si asara na ni; zo ti sarango ye na kode azia lôro na tere ni, lo zia na go ti lo aye ti go so a sara na wen ti nginza.

Habakuk 2:13

Ndani laa, kua so amara asara ayeke hunzi na le ti wâ, azo ayeke baa pasi na kua senge senge. Aye so kue alondo na KOTA GBIA pepe? Lo so lo yeke na ndö ti dunia kue so.

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Sigingo 32:4

Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!”

Ndia ti fani use ni 4:28

Kâ, ala yeke voro anzapa nde so maboko ti zo laa asara; a sara anzapa ni na keke nga na têne. Anzapa ni alingbi ti baa ndo pepe, ti ma ndo pepe, ti te ye pepe, wala ti ma fion ti ye pepe.

Ésaïe 40:20

Zo so yere ahon ndö ti lo si lo lingbi ti mu mara ti matabisi tongaso pepe, lo yeke soro keke so alingbi ti fun pepe. Na pekoni, lo yeke gi nzoni wakode-kua so alingbi ti sara yanda so alingbi ti yingi pepe.

Habakuk 2:18

Yanda so zo amu keke si aleke na ni, kua ti lo ayeke nyen? Wen so zo akporo na wâ si lo leke na limo ti yanda ni so, limo ni ayeke fa tënë ti mvene. Wakode-kua laa aleke aye ni so, ala yeke tene tënë pepe; lo zia be ti lo na ndö ti ayanda ni ngbanga ti nyen?