Ésaïe 44:10 - Mbeti ti Nzapa - Tënë so amu fini

¹⁰ So ye ti buba ti nyen titene zo aleke mbeni nzapa, wala lo kporo wen ti sara na yanda so lo yeke wara ye na peko ni pepe!

Ésaïe 44:10 Referans Kwoze

Jérémie 10:5

Ayanda ni so ayeke tongana mbeni gbagba ye so a zia na yaka ti akugbe ti kasa ti tumba na andeke; ayanda ni ayeke tene tënë pepe, a yeke yo ala yongo, ngbanga ti so ala lingbi ti tambula pepe. Ala sara mbeto ti ayanda ni so pepe: ala yeke sara sioni na zo pepe; ataa nzoni ye kue, ala lingbi nga ti sara ni pepe.”

Habakuk 2:18

Yanda so zo amu keke si aleke na ni, kua ti lo ayeke nyen? Wen so zo akporo na wâ si lo leke na limo ti yanda ni so, limo ni ayeke fa tënë ti mvene. Wakode-kua laa aleke aye ni so, ala yeke tene tënë pepe; lo zia be ti lo na ndö ti ayanda ni ngbanga ti nyen?

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

Daniel 3:14

Gbia ahunda ala, atene: “Mbi ma a tene, ala ke ti sara na anzapa ti mbi si ala ke ti voro yanda ti lôro so mbi zia aluti na nduzu so. So ayeke taa-tënë?

Daniel 3:1

Gbia Nabukodonosor asara yanda so ayeke na lôro: yongo ni na nduzu ayeke metere baleota, konongo ni ayeke metere ota. Lo zia ni aluti na nduzu na lando ti Dura, na kodro ti Babilone.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

Abia (Psaumes) 115:4

Anzapa ti amara nde, a sara ala na wen ti nginza nga na lôro, maboko ti zo laa asara ala.

Ésaïe 40:19

Yanda? Wakode-kua laa akporo wen si asara na ni; zo ti sarango ye na kode azia lôro na tere ni, lo zia na go ti lo aye ti go so a sara na wen ti nginza.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.