Ésaïe 42:8 - Mbeti ti Nzapa - Tënë so amu fini

⁸ Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Ésaïe 42:8 Referans Kwoze

Ésaïe 48:11

Ndali ti mbi wani, ndali ti mbi wani laa, mbi sara aye ni so. Biani, mbi ke titene a buba iri ti mbi; mbi ke nga titene gonda ti mbi aga ti mbeni zo nde.”

Ésaïe 43:11

Mbi laa mbi yeke KOTA GBIA, gi mbi oko. Mbeni wasongo-zo nde ayeke daa pepe, gi mbi oko.

Sigingo 34:14

Fade ala yeke kuku akpo li ti ala na sese na gbe ti mbeni nzapa nde pepe, ngbanga ti so iri ti KOTA GBIA ayeke: ‘Lo so lo yeke sara mbanda’. Biani, mbi yeke Nzapa so mbi yeke sara mbanda.

Abia (Psaumes) 83:18

Ayeke nzoni kamene na mbeto agbu ala lakue lakue. Ayeke nzoni kota kamene agbu ala si ala kui kue!

Sigingo 4:5

KOTA GBIA atene: “So laa ayeke fa biani na azo ti Israel atene, mbi KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob, mbi si na mo.”

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Ndia ti fani use ni 28:58

Atënë ti ndia ti Nzapa so kue a su na ya ti buku so, alingbi ala sara kue ti sara ye alingbi na ni. Alingbi ala ne iri ti lo so alingbi na gonda, iri so ayeke mu mbeto na zo: “KOTA GBIA Nzapa ti ala”.

Abia (Psaumes) 66:2

Ala he bia ti gonda na iri ti lo, ala gonda lo na lege ti sepelango lo.

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Daniel 5:4

So ala kue anyon samba ni agbu le ti ala awe, ala londo ti gonda anzapa so a sara ala na lôro na wen ti nginza; ala so a sara ala na bengba wen, na wen, na keke nga na têne.

Ésaïe 48:5

Ndani laa mbi fa na ala tënë ti aye so ngbene ye giriri. Mbi tene tënë ni na ala kozo si aye ni asi, tongaso si ala tene pepe: ‘Yanda ti mbi laa asara ye ni, nzapa ti mbi so a leke lo na keke, wala na bengba wen laa amu yanga si ye ni abaa gigi.’

Ésaïe 48:6

Ye so mbi fa tënë ni lani na ala, ala ma ni awe, ala baa so ye ni asi awe. Ti ala, fade ala yeke fa tënë ni pepe? Fadeso, mbi yeke fa tënë ti afini ye na ala, afini ye so angba na hondengo ni si ala hinga ni pepe so.

Jérémie 33:2

“Lo so lo sara ye, lo so lo leke ye si ye ni aluti mbirimbiri, lo so iri ti lo ayeke KOTA GBIA, tënë so lo tene ayeke so: