Ésaïe 42:23 - Mbeti ti Nzapa - Tënë so amu fini

²³ Na popo ti ala, zo wa laa ayeke dingi mê ti lo ti ma tënë so? Zo wa laa ayeke zia mê ti lo kpoo ti ma tënë gbanda?

Ésaïe 42:23 Referans Kwoze

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Mishe 6:9

*KOTA GBIA ayeke dekongo na azo ti gbata ni. Zo so ayeke na ndara, fade lo yeke kpe mbeto ti lo. “Ala azo ti mara ti Juda na ala so abongbi na ya ti gbata ni, ala ma si!

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Ndia ti fani use ni 32:29

Tongana ala yeke fade azo ti ndara, ka ala hinga nda ti ye so, ka ala ku ti baa ye so ayeke si na ala gbanda.

Ésaïe 42:22

Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Ésaïe 42:24

Zo wa laa azia Jacob na maboko ti azo so amu aye na tere ti lo kue so? Zo wa laa azia Israel na maboko ti azo so anzi aye ti lo kue so? Ayeke KOTA GBIA pepe? Biani, e sara lani siokpari so ake lo; azo ti lo atambula na lege ti lo pepe, ala ma tënë ti Ndia ti lo pepe.

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.