Ésaïe 36:4 - Mbeti ti Nzapa - Tënë so amu fini

⁴ Makonzi ti aturugu ti batango gbia ti Asirii atene na ala: “Ala gue, atene na Ezekias, atene: Tënë so kota gbia, gbia ti Asirii atene ayeke so: ‘So ziango be ti nyen laa mo zia na ndö ti ye so!

Ésaïe 36:4 Referans Kwoze

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Abia (Psaumes) 42:10

Mbi ye ti tene na Nzapa, kota têne so mbi luti na ndö ni ti bata tere ti mbi, mbi tene: “Mo girisa mbi ngbanga ti nyen? Ngbanga ti nyen si mbi duti gi na vundu si awato ti mbi ayeke sara ngangu na mbi so?”

Abia (Psaumes) 42:3

Tongana ti so nzara ti ngu ayeke sara zo, nzara ti Nzapa so ayeke na fini ayeke sara mbi legeoko tongaso. Lawa laa mbi yeke li na ya ti kota da ti lo ti luti na dawa ti lo so?

2 Agbia 19:10

“Tënë so ala yeke tene na Ezekias, gbia ti Juda ayeke so: Ayeke nzoni Nzapa ti mo so mo zia be ti mo na ndö ti lo so ahanda mo pepe, atene: ‘Fade Jérusalem ayeke ti na maboko ti gbia ti Asirii pepe!’

2 Agbia 18:5

Ezekias azia be ti lo gi na ndö ti KOTA GBIA, Nzapa ti Israel. Na popo ti agbia ti Juda kue, ala so aga kozo ti lo, wala ala so aga na peko ti lo, mbeni gbia tongana lo ayeke daa pepe.

2 Agbia 18:17

Andaa gbia ti Asirii ayeke na gbata ti Lakish. Kâ, lo tokua turugu ti lo ti kota kamba, na makonzi ti akota zo ti kua ti lo nga na makonzi ti aturugu ti batango lo, ala na gba ti aturugu; lo tokua ala na gbia Ezekias na Jérusalem. So ala si kâ awe, ala gue, aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Jérémie 48:14

“Ala, azo ti Moab, a sara tongana nyen si ala tene: ‘E yeke angangu zo ti bira, e yeke akoli so ahinga ti tiri bira mingi’?