Ésaïe 34:12 - Mbeti ti Nzapa - Tënë so amu fini

¹² Akota zo ti kodro ni ayeke duti daa mbeni pepe ti soro mbeni gbia, amakonzi kue ayeke hunzi.

Ésaïe 34:12 Referans Kwoze

2 Korente 12:11

Mbi ga tongana zo so mbeni ye asara li ti lo awe! Ala laa asara si mbi ga tongaso. Ala laa alingbi fade ti tene nzoni tënë na ndö ti mbi. Ataa mbi yeke ye pepe, akota kota *watokua ti ala so ahon mbi na ye oko pepe.

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

Jérémie 39:6

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti Juda kue.

Jérémie 27:20

– Aye ni kue laa Nabukodonosor agbu na Jérusalem si ague na ni na Babilone pepe, na ndembe so lo gbu Yekonia, molenge ti Yoakim, gbia ti Juda, lo na akota zo kue ti Juda na ti Jérusalem. –

Ésaïe 41:24

Me ala yeke ye oko pepe, ye so kue ala yeke sara ayeke taa senge senge. Zo so asoro ala tongana anzapa, lo yeke fungo zo tongana anzapa ni.

Ésaïe 40:23

Lo sara si amakonzi ti dunia so aga ye oko pepe, lo sara si awafango-ngbanga ti sese so aga senge senge ye.