Ésaïe 26:15 - Mbeti ti Nzapa - Tënë so amu fini

¹⁵ KOTA GBIA, mo sara si mara ti e awu mingi, mo fa gonda ti mo; mo sara si mara ti e awu mingi, mo sara ya ti kodro ti e akono na mbage kue.

Ésaïe 26:15 Referans Kwoze

Ésaïe 9:3

Biani, *zuge so lani ane azo ni, keke so a yeke pika na peko ti ala, nduru keke so makonzi ti kua ti ala ayeke pika na ala, mo fâ ya ni tongana ti so mo sara ando na lango so mo kinda azo ti Madian.

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.

Jean 15:8

Fade Babâ ti mbi ayeke wara gonda na lege so: tongana ala le mingi, so afa atene, ala yeke adisiple ti mbi.

Ezekiel 36:24

“Fade mbi yeke zi ala na popo ti amara nde, mbi yeke mu ala na sese nde nde, mbi yeke bongbi ala si mbi yeke kiri na ala na sese ti ala.

Ezekiel 5:12

Fade a yeke kangbi ya ti ala ota: kozo kangbi ni ayeke kui ande na sioni kobela ti bubango kodro nga na kota nzara taa na ya ti gbata ni; use kangbi ni ayeke kui kuâ ti yongoro zeme na tere ti gbata ni. Fade mbi yeke kangbi tanga ti azo ni kirikiri na ndo kue si mbi yeke gboto yongoro zeme ti mbi ti tumba peko ti ala.

Jérémie 32:37

Lani mbi sara ngonzo na tere ti ala si ngonzo ti mbi ti wâ alondo na tere ti ala. Tongaso, na lege ti sioni ngonzo ti mbi, mbi kangbi ala na ya ti akodro mingi. Me mbi yeke bongbi ala, mbi yeke kiri na ala na ndo so si ala yeke duti na siriri.

Jérémie 30:19

Na popo ti ala, fade a yeke ma go ti azo so ayeke he bia ti mungo singila si ala yeke dekongo na ngia. Ala *ahale ti Jacob, fade mbi yeke sara si ala kiri awu mingi, wungo ti ala ayeke kiri na peko pepe; mbi yeke sara si azo ane ala, zo ayeke kiri ti baa ala tongana abuba zo pepe.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 33:17

Fade le ti mo ayeke baa gbia na ya ti pendere ti lo, mo yeke baa kota le ti sese ni kue.

Néhémie 9:23

Mo sara si *ahale ti ala awu mingi tongana atongoro ti yayu. Mo sara si ala li na sese so mo hunda ando na akotara ti ala titene ala gue, amu ni si aga ti ala.

Ndia ti fani use ni 10:22

Na ndembe so akotara ti ala ague na sese ti Ezipte, wungo ti ala ayeke ando balembarambara senge. Fadeso, KOTA GBIA Nzapa ti ala asara si ala wu gbani gbani tongana atongoro ti le ti nduzu.

Wungo ti azo 23:10

Zo wa laa alingbi ti diko azo ti Israel, zo wa? *Ahale ti Jacob so ayeke gbani gbani so? Mbi ye ti kui tongana ti azo ti mbirimbiri, mbi ye si kuâ ti mbi aduti tongana ti ala.”

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Ésaïe 10:22

Israel, ataa wungo ti azo ti mo ayeke tongana wungo ti mbutu ti yanga ti kota ngu-ingo, fade gi tanga ti azo so angba laa ayeke kiri na KOTA GBIA. A leke tënë ti bubango ye kue awe, fango ngbanga ti mbirimbiri ayeke mu ndo kue tongana ngu so asuku.

Ésaïe 6:12

“Biani, fade KOTA GBIA ayeke zi azo na ya ti kodro ni si lo yeke tokua ala na mbeni yongoro ndo. Sese mingi ayeke ngba senge senge.

2 Agbia 23:27

Ndani laa KOTA GBIA atene: “Fade mbi yeke tumba azo ti Juda yongoro na le ti mbi tongana ti so mbi tumba ando azo ti Israel so. Mbi yeke ke Jérusalem, gbata so mbi soro ni; mbi yeke ke kota da so mbi mu ando zendo titene iri ti mbi aduti daa.”

2 Agbia 17:23

Nilaa KOTA GBIA atumba ala yongoro na tere ti lo alingbi na tënë so lo tene na lege ti azo ti kua ti lo so kue ayeke awayanga-Nzapa. Tongaso a mu azo ti Israel na sese ti ala wani, a gue na ala na kodro ti Asirii, ndo so ala ngba daa ngbii asi laso.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

1 Agbia 8:46

“Tongana azo ti Israel asara siokpari so ake mo – ngbanga ti so mbeni zo so asara siokpari pepe ayeke daa pepe – tongana mo sara ngonzo na tere ti ala si mo zia ala na maboko ti awato ti ala titene awato ti ala ni agbu ala, ague na ala na mbeni kodro so ayeke yongoro, wala so ayeke nduru,

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Tongo nda ti aye 13:16

Mbi yeke sara titene ahale ti mo aga mingi tongana fuku ti sese; tongaso, zo so alingbi ti diko fuku ti sese, fade lo lingbi ti diko ahale ti mo.

Mbeti ti Job 12:23

Lo yeke sara si amara awu, na pekoni, lo yeke hunzi ala kue; lo yeke sara si amara amu ndö ti sese, na pekoni, lo yeke sara si a gbu ala, a gue na ala na kodro wande.

Ésaïe 40:5

Tongaso, fade gonda ti KOTA GBIA ayeke sigigi polele si azo ti sese kue ayeke baa ni. Tënë so asigigi na yanga ti KOTA GBA laa.”