Ésaïe 2:8 - Mbeti ti Nzapa - Tënë so amu fini

⁸ Ayanda asi singo na ya ti kodro ni. Azo ayeke kuku ti voro ye so maboko ti ala wani asara; ala yeke kuku na gbe ti ye so maboko ti ala wani aleke.

Ésaïe 2:8 Referans Kwoze

Aye so Nzapa afa 9:20

Tanga ti azo so kue akui na lege ti asioni ye so pepe, ala zia pepe lege ti sarango asioni ye ti ala. Ala zia lege ti vorongo asioni yingo pepe; ala ngba ti voro ayanda so a sara na lôro, na wen ti nginza, na bengba wen, na têne nga na keke. Ayanda ni ayeke baa ndo pepe, ala yeke ma ndo pepe, ala yeke tambula nga pepe.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Ésaïe 37:19

Agbia ni abi anzapa ti azo ni na le ti wâ. Andaa, anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Awatokua 17:16

So Paul ayeke ku Silas na Timothée na Athènes, be ti lo aso songo na bango gbata so ayanda nde nde asi singo daa.

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Osée 13:2

Ti fadeso, azo ti Efraim angba ti sara siokpari: ala kporo wen si asara na anzapa nde, ala mu wen ti nginza ti ala si na lege ti kode ti ala, ala sara na ayanda. Ye so kue ayeke ye ti maboko ti awakode-kua. Ndali ti anzapa ni, azo ayeke tene: “Azo, ala mu asandaga na anzapa ni!” Azo ayeke su ngbangba ti akete bagara!

Osée 12:11

Mbi tene tënë na awayanga-Nzapa, mbi sara si ala baa aye mingi na ya ti mbeni ye tongana bango-li. Na lege ti awayanga-Nzapa, mbi tene tënë na lege ti atoli.

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Ésaïe 57:5

Nzara ti tere ti ala ayeke gbi ala tongana wâ nduru na tere ti akota keke, na gbe ti afini keke so kue kugbe ni ayeke gbani gbani. Ala yeke fâ amolenge ti mu na *sandaga na tere ti ngu nga na popo ti atêne so asuru.

Ésaïe 17:8

Ala yeke kiri ti baa ndo pepe na mbage ti agbalaka so maboko ti ala wani asara. Akeke so ala leke aluti na nduzu si ala yeke voro ni, wala ata ti wen so ala zia nde titene ala zö dukani na ya ni, ala yeke kiri ti baa ndo daa pepe.

2 Mbai 27:2

Yotam asara ye so ayeke mbirimbiri na le ti *KOTA GBIA gi tongana ti so babâ ti lo Ozias asara. Ti lo, lo li na ya ti kota da ti KOTA GBIA pepe. Me azo ti kodro ni angba lakue ti sara sioni.

Ndia ti fani use ni 4:28

Kâ, ala yeke voro anzapa nde so maboko ti zo laa asara; a sara anzapa ni na keke nga na têne. Anzapa ni alingbi ti baa ndo pepe, ti ma ndo pepe, ti te ye pepe, wala ti ma fion ti ye pepe.

Osée 8:6

Kete bagara ti Samarii ni alondo na Israel, mbeni zo ti sarango ye na kode laa aleke ni; kete bagara ni ayeke Nzapa pepe. Biani, fade a yeke fâ ya ti lo kete kete.

1 Agbia 16:7

Tënë ti KOTA GBIA so asi lani na wayanga-Nzapa Yehu, molenge ti Hanani si lo tene peko ni na ndö ti Basha na azo ti sewa ti lo so, nda ni ayeke use: Kozoni, Basha na azo ti sewa ti lo asara ye so ayeke sioni na le ti KOTA GBIA; ala zia ngonzo na be ti lo na lege ti asioni sarango ye ti ala. Ala sara sioni tongana ti so Yeroboam na azo ti sewa ti lo asara. Use ni, Basha afâ azo ti sewa ti Yeroboam kue.

Ésaïe 26:13

KOTA GBIA, Nzapa ti e, ambeni makonzi nde so ayeke mo pepe, ala laa asara komandema na ndö ti e. Me gi mo oko laa e yeke di iri ti mo.

Ésaïe 40:19

Yanda? Wakode-kua laa akporo wen si asara na ni; zo ti sarango ye na kode azia lôro na tere ni, lo zia na go ti lo aye ti go so a sara na wen ti nginza.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

2 Agbia 17:10

Ala leke angbongboro têne so aluti na nduzu ndali ti ala wani, ala leke nga akeke so aluti na nduzu ndali ti nzapa-wali *Ashera. Ala leke aye so na li ti ahoto kue nga na gbe ti afini keke kue.

2 Agbia 17:16

Ala zia lege ti atënë kue ti yanga ti KOTA GBIA, Nzapa ti ala, ala mu wen akporo ni si ala leke na ayanda use ti bagara, ala leke mbeni keke aluti na nduzu ndali ti nzapa-wali Ashera. Ala voro aye so kue ayeke na le ti nduzu si ala sara na nzapa *Baal.

Mishe 5:12

Ayanda ti mo na angbongboro têne so mo leke ni aluti na nduzu si mo yeke voro ni so, mbi yeke zi ni kue. Aye so mo wani, mo leke na maboko ti mo so, mo yeke kiri ti voro ni pepe.