Ésaïe 2:6 - Mbeti ti Nzapa - Tënë so amu fini

⁶ *KOTA GBIA, mo ke azo ti mo, *ahale ti Jacob awe, ngbanga ti so azo ti bango nda ti aye alondo na mbage ti To aga, ala si singo na ya ti kodro ti azo ti mo. Azo ti gingo nda ti atongoro asi singo daa, tongana ti so ala yeke gbani gbani na ya ti kodro ti Filistii. Azo ti mo na awande ayeke fono oko.

Ésaïe 2:6 Referans Kwoze

Rome 11:20

Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

2 Agbia 1:2

Mbeni lâ, gbia Ahazia aduti na ya ti mbeni kubu ti nduzu ti yangbo ti lo so ayeke na gbata ti Samarii. Lo londo kâ, lo ti na sese na le ti fenetere si lo wara kota ka. Tongaso lo tokua azo, lo tene na ala: “Ala gue, ahunda Baal-Zebub, nzapa ti gbata ti Ekron ti hinga wala fade ka ti mbi ni ayeke mu?”

Abia ti demango tere 5:20

Be ti mo angba ti girisa na e ngbii asi lawa so-oo? Ndali ti nyen si mo ngba ti zia ande e tongaso so-oo?

Jérémie 10:2

Tënë so KOTA GBIA atene ayeke so: “Ala manda lege ti sarango ye ti amara nde pepe; aye ti kpene so ayeke na yayu, ala sara mbeto ni pepe. Amara nde laa ayeke sara mbeto ti aye ni.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Amato 6:1

Molenge ti mbi, mo mu zendo ti futa yongo na li ti mba ti mo? Mo mu zendo ti sara na mbeni wande?

Abia (Psaumes) 106:35

Ala bongbi na azo ti amara nde si ala manda lege ti sarango ye ti azo ni.

Néhémie 13:23

Na ngoi ni so nga, mbi baa so ambeni zuife amu awali ti mara ti Asdod, ti Amon na ti Moab ti ga wali ti ala.

2 Mbai 24:20

Tongaso, yingo ti Nzapa aga na ndö ti Zakarii, molenge ti Yoyada; Zakarii aluti na dawa ti azo ni si lo tene na ala: “Tënë so Nzapa atene ayeke so: ‘Ala ke ti sara ye alingbi na andia ti mbi KOTA GBIA, ngbanga ti nyen? Fade aye ti ala ayeke ga nzoni pepe. So ala zia mbi KOTA GBIA awe so, mbi nga, mbi yeke zia ala.’ ”

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

Wungo ti azo 23:7

Tongaso Balaam adiko bia so, lo tene: “Balak asara si mbi londo na Aram mbi ga; gbia ti Moab asara si mbi londo na ahoto ti To mbi ga. ‘Ga mo deba Jacob na mbi! Ga mo tene sioni tënë na ndö ti azo ti Israel!’

Awayango-sandaga 20:6

“Zo so agi lege ti hunda yingo ti akuâ, so ayeke tongana vorongo anzapa nde, fade mbi yeke ga na tere ti lo si mbi yeke tumba lo na popo ti azo ti Israel.

Awayango-sandaga 19:31

“Ala gi lege ti hunda yingo ti akuâ pepe wala ti atoro pepe. Tongana ala gue kâ, fade ala yeke ga *sioni. Mbi laa mbi yeke KOTA GBIA, Nzapa ti ala.

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Sigingo 22:18

“Zo so alango na nyama, alingbi ala fâ lo.

1 Samuel 6:2

Azo ti Filistii airi awayango-sandaga na azo ti bango nda ti aye si atene na ala: “Nyen laa e lingbi ti sara na sanduku ti mbuki ti KOTA GBIA so? Ala fa na e lege so e lingbi ti kiri na ni na ndo so lani ayeke daa.”

Ésaïe 14:29

Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Jérémie 12:7

“Mbi do da ti mbi, mbi zia awe; ye so ayeke ti mbi, mbi ke ni awe. Mara so mbi ye lo na be ti mbi kue, mbi zia lo na maboko ti awato ti lo awe.

Mishe 5:12

Ayanda ti mo na angbongboro têne so mo leke ni aluti na nduzu si mo yeke voro ni so, mbi yeke zi ni kue. Aye so mo wani, mo leke na maboko ti mo so, mo yeke kiri ti voro ni pepe.

Sofonii 1:8

KOTA GBIA atene: “Na lango ti sandaga ni, fade mbi yeke ga na tere ti akota zo, amolenge ti gbia nga na azo so ayeke yu bongo tongana ti awande.

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

Mishe 5:11

Mbi yeke zi aye ti mazi so ayeke na ya ti kodro ti mo kue; mbeni zo ti bango nda ti aye na lege ti aye ti le ti nduzu ayeke duti daa mbeni pepe.