Ésaïe 18:2 - Mbeti ti Nzapa - Tënë so amu fini

² Mo so mo yeke tokua alembe ti tambula na le ti kota ngu ti Nil si ala yeke tambula na ya ti ango so a sara na sosongo! Ala alembe so ayeke gue tokua hio hio so, ala kiri na mbage ti azo ti mara so ayo mingi si poro ti tere ti ala ayeke za zango so, azo so ayeke zia mbeto na be ti azo na ndo so ngbii asi na ndo kue, mara so ayeke na ngangu si ayeke nika awato ti ala so. Ala kiri na kodro ti ala so abale ahon na ya ni so.

Ésaïe 18:2 Referans Kwoze

Ésaïe 18:7

Na ngoi ni so, fade azo ayeke ga na anzoni ye na KOTA GBIA so ayeke na ndö ti dunia kue; azo ni ayo mingi, poro ti tere ti ala ayeke za zango, ala yeke zia mbeto na be ti azo na ndo so ngbii asi na ndo kue, ala yeke nika awato ti ala, abale ahon na ya ti kodro ti ala. Fade a yeke ga na anzoni ye na li ti hoto ti *Sion, ndo so KOTA GBIA so ayeke na ndö ti dunia kue ayeke duti daa.

2 Mbai 16:8

Aturugu ti Etiopii na ala ti Libii ayeke lani gbani gbani pepe? Ala yeke na apusu ti mbarata na azo ti kpengo na mbarata ni gbani gbani pepe? Me KOTA GBIA azia ala na maboko ti mo si mo kinda ala, ngbanga ti so mo zia be ti mo na lo.

2 Mbai 14:9

Asa ague ti wara lo si lo na aturugu ti lo aleke tere ti ala ti tiri bira na popo-hoto ti Sefata, nduru na Maresha.

Ezekiel 30:9

Na lango ni so, mbi yeke tokua azo na mangboko ti gue na iri ti mbi, ti sara si azo ti Etiopii so ayeke duti na siriri, tere ti ala ado na mbeto. Na lango so mbi yeke buba Ezipte, fade tere ti ala ayeke do na mbeto. Biani, lango ni aga nduru awe!

Sigingo 2:3

Me lo lingbi ti honde lo ngbii pepe, tongaso lo mu mbeni sakpa so a sara na pere ti yanga ti ngu; lo kanga adu ti tere ti sakpa ni na gudron nga na kole. Lo zia molenge ni na ya ni si lo gue, lo zia sakpa ni na ya ti pere, na yanga ti *bale ti Nil.

Nzoni Tënë so Luc asu na mbeti 10:19

Ala ma! Mbi mu na ala ngangu ti do angbo na akparakongo na gere ti ala; mbi mu nga na ala ngangu ti hon ndö ti wato. Mbeni ye ti sarango sioni na ala ayeke daa pepe.

Mbeti ti Job 9:26

Alango ni amu loro tongana akete ngo so ayeke mu loro na le ti ngu; alango ni amu loro tongana *ngoalo so ayeke ti na ndö ti kobe ti lo.

Jérémie 49:14

Mbi ma mbeni tënë so alondo na KOTA GBIA si mbeni watokua ague na ni na amara kue; tënë ni atene: “Ala bongbi tere ti ala! Ala londo ague na tere ti Edom! Ala londo! Ala tiri bira!”

Abdias 1:1

So ayeke ye so Abdias abaa na ya ti mbeni ye tongana bango-li. Tënë so Kota Gbia NZAPA atene na ndö ti azo ti mara ti Edom laa. *KOTA GBIA atokua mbeni zo na popo ti amara nde, e ma zo ti tokua ni atene: “Ala londo, e gue, e ti na ndö ti gbata ni! E tiri bira!”

Habakuk 1:7

Ala yeke asioni zo, ala yeke zia mbeto na be ti azo. Ala wani ayeke sara ndia ti li ti ala, ala yeke sara si iri ti ala awu.