Ésaïe 15:1 - Mbeti ti Nzapa - Tënë so amu fini

¹ Nengo tënë na ndö ti Moab. Gbata ti Ar-Moab, a buba ni gi na bi ni oko, ye oko angba na ya ni pepe. Gbata ti Kir-Moab, a buba ni gi na bi ni oko, ye oko angba na ya ni pepe.

Ésaïe 15:1 Referans Kwoze

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Wungo ti azo 21:28

Wâ asigigi na gbata ti Heshebon, menga ti wâ asigigi na gbata ti gbia Sihon; wâ agbi gbata ti Ar so ayeke na sese ti Moab, agbi akota zo ti ndö ti akete hoto so ayeke na tere ti ngu ti Arnon.

Ésaïe 25:10

Maboko ti KOTA GBIA ayeke na ndö ti hoto so.” Me a yeke do Moab na gbe ti gere na ndo so lo yeke daa, tongana ti so a yeke do holengo pere na ndo so puru ti bagara ayeke daa.

Ésaïe 16:11

Ndani laa mbi yeke toto na vundu ndali ti Moab tongana kundi so atoto. Be ti mbi aso mingi ndali ti Kir-Heres.

Ésaïe 16:7

Me fadeso, azo ti Moab ayeke dema tere ndali ti Moab. Ala kue ayeke he bia ti demango tere ndali ti agatoo so a sara na le ti *vinye so a sara na Kir-Heres. Na vundu na be, ala yeke dema.

Ésaïe 14:28

Na ngu so gbia Ahaz akui na ni, nengo tënë so asigigi, atene:

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

2 Agbia 3:25

Ala buba agbata, zo oko oko atuku atêne ti lo na le ti anzoni sese ti yaka si atêne asi singo na le ti sese ni; ala kanga ali ti ngu kue, ala fâ na sese akeke so kue ayeke le ka anzoni lengo ni. Gi gbata ti Kir-Heres oko laa angba nzoni; me azo so ayeke zia têne na yanga ti kamba ti bo na anyama, ala laa angoro gbata ni si ala mu na lege ti bira.

Ndia ti fani use ni 2:18

“Fadeso, ala yeke gue ti fâ katikati ti sese ti Moab, ala yeke fâ nga ya ti sese ti Ar ti hon.

Ndia ti fani use ni 2:9

Na pekoni, KOTA GBIA atene na mbi: “Ala azo ti Israel, ala gi tënë na azo ti mara ti Moab pepe; ala tiri bira na ala pepe! Fade mbi yeke mu sese na ala pepe na ya ti kodro ti azo ti Moab ni. Biani, mbi mu sese ti Ar na ahale ti Lot awe titene aga ti ala.” –

Ésaïe 25:12

Ngangu gbagba so ayo na nduzu, kota gbagba ti bira ti mo so, KOTA GBIA ayeke kungbi ni na sese, lo yeke fâ ni kue si lo yeke bi ni na ya ti fuku ti sese.

Ndia ti fani use ni 2:19

Ala yeke si na ndo so abaa le na sese ti azo ti mara ti Amon. Ala gi tënë na azo ti mara ti Amon ni pepe; ala tiri bira na ala pepe! Biani, fade mbi yeke mu sese na ala pepe na ya ti kodro ti azo ti mara ti Amon ni. Mbi mu sese ni na ahale ti Lot awe titene aga ti ala.”

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.